कोपेनहेगन । विश्व स्वास्थ्य संगठन (डब्लुएचओ) को युरोप शाखाका प्रमुखले गाजाबाट एक हजार महिला तथा बालबालिकालाई चाँडै नै युरोप ल्याइने बताएका छन् । युद्धले तहसनहस भएको प्यालेस्टाइनी भू-भागलाई घेरेको इजरायलले आगामी केही महिनाभित्र थप एक हजार चिकित्सकीय उद्धारका लागि युरोपेली संघलाई सहयोग गर्न प्रतिबद्ध रहेको हान्स क्लुजले एएफपीलाई दिएको अन्तर्वार्तामा बताउनुभएको छ ।
उहाँले संयुक्त राष्ट्रसंघको स्वास्थ्य निकाय डब्लुएचओ र यसमा संलग्न युरोपेली मुलुकले उद्धारमा सहजीकरण गर्ने बताउनुभयो । बिहीबार संयुक्त राष्ट्रसंघका अनुसन्धानकर्ताले इजरायलले गाजाका स्वास्थ्य संस्थालाई जानाजानी निशाना बनाएको र त्यहाँका स्वास्थ्यकर्मीको हत्या र यातना दिइरहेको आरोप लगाएका थिए ।
कब्जा गरिएका प्यालेस्टाइनी क्षेत्रहरूमा डब्ल्युएचओका प्रतिनिधि रिक पिपरकोर्नले मे महिनामा गाजाबाट लगभग १० हजार मानिसलाई तत्काल चिकित्सा सेवाको लागि बाहिर निकाल्नु आवश्यक रहेको बताएका थिए । सन् २०२३ को अक्टोबरमा गाजामा युद्ध सुरु भएयता विश्व स्वास्थ्य संगठन (डब्लुएचओ) युरोपले गाजाबाट युरोपका सातवटा देशमा ६०० चिकित्सकीय उद्धारको व्यवस्था गरिसकेको छ ।
‘यदि हामीले वार्ता (खुला) नराखेको भए यो कहिल्यै हुने थिएन’, क्लुजले भन्नुभयो, ‘युक्रेनका लागि पनि यही कुरा सत्य हो’, उहाँले भन्नुभयो, म सबै साझेदारसँग संवाद (खुला) राखिरहेको छु ।’ ‘अहिले युक्रेनको कब्जामा रहेको क्षेत्र डोनबासमा १५ हजार एचआइभी एड्सका बिरामीले एचआइभी एड्सको औषधि लिइरहेका छन्’, स्वास्थ्यलाई राजनीतीकरण नगर्नुको महत्वमा जोड दिँदै ५५ वर्षीय बेल्जियनले भन्नुभयो, ‘सबैभन्दा महत्वपूर्ण औषधि शान्ति हो’, उहाँले भन्नुभयो, ‘द्वन्द्वग्रस्त क्षेत्रमा स्वास्थ्यकर्मीलाई काम गर्न दिनुपरेको छ ।’
डब्लुएचओका अनुसार फेब्रवरी २०२२ मा रुसले आक्रमण गरेयता युक्रेनका स्वास्थ्य केन्द्रहरूमा करिब दुई हजार आक्रमण दर्ता भएका छन् । उहाँले भन्नुभयो, ‘एक प्रकारको स्वीकार्यता हुनसक्छ तर यसले हरेक पटक आक्रोश पैदा गर्छ ।’
‘हामी यसको कडा शब्दमा भत्र्सना गरिरहनेछौं ।’ क्लुजले युक्रेनमा तेस्रोपटक हुने युद्धको पूर्वसन्ध्यामा चिन्ता व्यक्त गर्नुभएको छ । उहाँले भन्नुभयो, ‘नागरिक ऊर्जा ग्रिडको ८० प्रतिशत क्षतिग्रस्त वा नष्ट भएको छ । अस्पतालमा सर्जनहरूले आफ्नो टाउकोमा बत्ती राखेर काम गरिरहेको हामीले देख्यौं, सर्जनहरूले आफ्नो टाउकोमा बत्ती राखेर काम गरिरहेका थिए ।’
‘यो जाडो समय बत्तीको अभावमा निकै कठिन हुनेछ’, उहाँले भन्नुभयो । युरोपको स्वास्थ्य सेवा प्रणालीमा तनाव भए पनि डब्ल्युएचओको युरोपेली क्षेत्रमा मध्य एसियाली देशहरू सामेल छन् । यहाँका ५३ देशहरू भविष्यको महामारीको तयारीका लागि एकसाथ आउन तयार रहेको उहाँले बताउनुभयो । रासस/एएफपी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच