‘किड क्विन’को उपाधि सारिका र भ्याग्यश्रीलाई

काठमाडौं । किड क्विन नेपाल २०२४ मा काठमाडौं भ्याली स्कुल, रानीवनकी सारिका सिटौला र भ्याली भ्यू स्कुल, मध्य बानेश्वरकी भ्याग्यश्री खड्का (जुनियर) ले ३८ जना प्रतिस्पर्धीलाई पछाडि पार्दै उपाधि चुम्नुभएको छ । नेप्लिज फेसन होम र फाइट फर लाइफद्वारा काठमाडौंमा सम्पन्न भएको प्रतियोगितामा उहाँहरू प्रमुख उपाधिका साथ तस्बिर मिस फोटोगेनिक उपउपाधी विजेता पनि हुनुभएको छ ।

त्यसैगरी काठमाडौं भ्याली स्कुलकी जेशिका श्रेष्ठ र सभ्यता पाठशाला, रानीवनकी काभ्या शिवाकोटी (जुनियर) फस्ट रनर्सअप तथा मेधा सेकेण्डरी स्कुल, भक्तपुरकी सृष्टि रञ्जितकार र हिमालय वल्द्रफ स्कुल, रानीवनकी अज्ना आचार्य (जुनियर) सेकेण्ड रनर्सअपका साथै मिस पब्लिक च्वाइस सेकेण्ड रनर्सअप र एभरेस्ट किड्स स्कुलकी सुधिक्षा श्रेष्ठ (जुनियर) थर्ड रनर्सअप चुनिनुभएको छ । उपाधिसँगै सिनियर र जुनियर दुवै तर्पmका विजयीहरूले पुरस्कारस्वरूप क्रमशः २५ हजार, १५ हजार र १० हजार रुपियाँ प्राप्त गरेका छन् ।

वरिष्ठ कलाकार मदनदास श्रेष्ठको सभापतित्व तथा बागमती प्रदेशका सभामुख भुवनकुमार पाठकको प्रमुख आतिथ्यता, समाजसेवी सोबित उप्रेती र डा. विमला शाक्यको विशेष आतिथ्यतामा सम्पन्न प्रतियोगितामा परी श्रेष्ठ मिस ट्यालेन्ट, शिभ्याना सिंह मिस ट्यालेन्ट फस्ट रनर्सअप, पलिस्था महर्जन मिस ट्यालेन्ट सेकेण्ड रनर्सअप, हृदयानी नगरकोटी र सफलता श्रेष्ठ सोसियल वेल्फर एम्बेसडर चिफ, सुमन महर्जन सोसियल वेल्फेयर एम्बेसडर फस्ट रनरर्सअप, हन्सिका महर्जन सोसियल वेल्फेयर एम्बेसडर सेकेण्ड रनर्सअप, सुधा तमाङ पब्लिक च्वाइस, जियाना रसाइली पब्लिक च्वाईस फस्ट रनर्सअप र मिस एलिगेन्ट, सोनिशा अधिकारी बेस्ट ड्रेस, रिन्चेन लामा बेस्ट ड्रेस फस्ट रनर्सअप, सोना गुरुङ वेष्ट ड्रेस सेकेण्ड रनर्सअप, युनिशा गोदार मिस डिसिप्लिन, सेरिना गुरुङ मिस डिसिप्लिन फस्ट रनर्सअप, सुवाना लोहनी मिस पर्सनालिटी, शृशा श्रेष्ठ मिस कल्चर, युनिका टेवा बेस्ट हेयर, रितु लोहनी बेस्ट स्किन, रचेल कटुवाल बेस्ट स्माइल, प्रान्जु श्रेष्ठ मिस चार्मिङ, सिचु महर्जन मिस क्याटवाक, नासिका ठकुरी मिस फ्रेण्डसिप, अनन्या खड्का मिस कन्फिडेन्ट, दिलशा अमात्य मिस कन्फिडेन्ट फस्ट रनर्सअप, सबिता केसी बेस्ट स्कलर, एन्जलिना नगरकोटी मिस स्पन्ट्यानियस, प्रान्शी अधिकारी मिस प्रोग्रेस्सिभ, रुमी शाही मिस क्युट र तिसा महर्जन मिस इनोसेन्ट उपउपाधि विजेता हुनुभएको छ ।

लायन्स क्लब डिस्ट्रिक ३२५ यल, पडिजि मणिश्री रत्न बज्राचार्य प्रमुख निर्णायक रहेको प्रतियोगितामा एसओ नेपालका अध्यक्ष डा. शिक्षिता श्रेष्ठ, हब इन्टरनेशनल एजुकेसनका अध्यक्ष उधभ खड्का, ब्युटिसियन मञ्जु कार्की पाण्डे, माँ बंगलामुखी कन्जुमर को–ओपरेटिभ लिमिटेडका अध्यक्ष अधिवक्ता लक्ष्मण श्रेष्ठ, नमुना कलेज अफ फेसन टेक्नोलोजीका सहप्रधानाध्यापक जिबेश्वरलाल श्रेष्ठ, गायक प्रबेशमान शाक्य, गर्जियस इन्ष्टिच्युट अफ फेसन टेक्नोलाजीकी अध्यक्ष शोभा महर्जन निर्णायक रहनुभएको थियो ।

जमलस्थित राष्ट्रिय नाचघरमा सम्पन्न प्रतियोगिता मिस नेवाः ११४३ सकिना महर्जन र सोसियल वेलफेयर एम्बेस्डर तिमिला महर्जनको कोरियोग्राफी मिस नेवाः ११४१ कृषा महर्जनको संयोजन र कोरियोग्राफर तथा सञ्चारकर्मी रोजिन शाक्यको सञ्चालनमा सम्पन्न भएको थियो ।

‘आजको साना नानीहरू भोलिको परिवार समाज अनि देशको भविष्य हो, त्यसैले उनीहरूलाई आजैदेखि जिम्मेवार बनाउन सिकाउनु पनि यस कार्यक्रमको उद्देश्यभित्र पर्छ’, आयोजक संस्था नेप्लिज फेसन होमकी अध्यक्ष हेमा मानन्धरले भन्नुभयो ।