काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई फेरि प्रहरी हिरासतमा लगिएको छ ।
आइतबार काठमाडौं जिल्ला अदालतमा बयान सकिएर थुनछेक बहस शुरू नभएपछि लामिछानेलाई न्यायिक हिरासतमा पठाउने आदेश भएपछि उहाँलाई हिरासतमा लगिएको हो ।
लामिछानेको बयान समयमै सकिए पनि सरकारी वकिलले बयान अध्ययनका लागि भन्दै समय मागेपछि आज थुनछेक बहस हुन सकेन ।
त्यसपछि उक्त मुद्दालाई हेर्दाहेर्दैमा राखेर न्यायाधीश माधवप्रसाद अधिकारी नेतृत्वको इजलासले सोमबार पुनः थुनछेक बहस गर्ने गरी उहाँलाई प्रहरीको जिम्मा लगाइएको हो ।
लामिछानेलाई आज भद्रकालीस्थित प्रहरी परिसरको हिरासतमा राखिने प्रहरीले स्रोतले जानकारी दिएको छ ।
सूर्यदर्शन सहकारीको रकम अपचलन अभियोगको मुद्दामा कास्की जिल्ला अदालतको आदेशबमोजिम ८४ दिन प्रहरी हिरासतमा बस्नु भएका लामिछाने गत विहीबार मात्र ६५ लाख बराबरको धरौटी बुझाएर रिहा हुनु भएको थियो । स्वर्णलक्ष्मी सहकारीको बचत अपचलनसम्बन्धी मुद्दामा आज उहाँ स्वयम् काठमाडौं अदालतमा हाजिर हुनु भएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच