![तेस्रो लिंगीसहित पाँचजनालाई नइ पुरस्कार](https://ehimalayatimes.com/wp-content/uploads/2025/01/nai-Puraskr.jpg)
काठमाडौं । मानव पुस्तकालयको ३२औं शृंखला सम्पन्न भएको छ । मुक्तिनाथ दर्शन साहित्य समाज नेपाल काठमाडौं, नेपाल, मुक्तिनाथ दर्शन त्रैमासिक साथै नवपुस्तकालय, ज्येष्ठ नागरिक मिलन केन्द्र सुकेधारा धोविखोला किनारको संयुक्त तत्वावधानमा सञ्चालित हुँदै आएको मानव पुस्तकालयको ३२औं शृंखला सम्पन्न भएको हो । मानव पुस्तकालयका परिकल्पनाकार अध्यात्म चिन्तक तथा कवि हरिभक्त सिग्देल ‘महेश’ को सभापतित्व भएको कार्यक्रममा वरिष्ठ साहित्यकार विजयध्वज थापाको प्रमुख आतिथ्य र वरिष्ठ साहित्यकार जगदीश्वर पोखरेलको विशिष्ट आतिथ्यता रहेको थियो ।
सुशीला शर्मा धमलाले सञ्चालन गर्नुभएको कार्यक्रममा वरिष्ठ साहित्यकार तथा आख्यानकार प्राडा.अर्जुनदेव भट्टको स्वागत भाषणपश्चात समाजपयोगी मानव पुस्तकीय व्यक्तित्व द्वयका जीवनी संघर्ष र सफलताको यथार्थ चित्रण पश्चात् शुभकामना, गजल, मुक्तक, कविता, गीतगायन र वाचन भएको थियो । पूर्वक्याम्पसचिफ तथा नियात्राकार मानव पुस्तकका परिकल्पनाकार विष्णुप्रसाद पन्तका भाइ चन्द्रप्रसाद पन्त र कलानिधि दाहालका सपरिवारमा शीघ्र स्वास्थ्य लाभको कामना गरिएको थियो । मानव पुस्तकालय २०८२ वैशाखदेखि मुक्तिनाथ दर्शन साहित्य समाज नेपालका प्रत्येक प्रदेशका शाखाहरूबाट देशव्यापी रूपमा सञ्चालन गर्ने उद्घोष गर्दै सभापतिबाट कार्यक्रमको समापन भएको थियो । पुस्तक आदान प्रदान र सामुहिक तस्वीर पनि लिइएको थियो ।
कार्यक्रममा डा.देवी पन्थी, प्रार्थना खनाल, निर्मल पराजुली, दुर्गा अधिकारी भमरकोटे, प्रल्हाद लामिछाने, महेशप्रसाद रिजाल, केशवराज दाहाल, तेजनाथ दंगाल, ठाकुर शर्मा भण्डारी, मदनप्रसाद नेपाल, डा.अर्जुनदेव भट्ट, थरेन्द्र बराल, कृष्णप्रसाद बस्याल, सुचिता काफ्ले, भागिरथि भट्टराई ज्ञवाली, मेनुका आचार्य दंगाल, नारायणकुमार आचार्य, घमा भट्टराई खनाल, सावित्री अधिकारी, अप्सरा भट्टराई, सुन्दर खड्का, रामप्रसाद पुरी, एम.पि.पाण्डेलगायतले सिर्जना वाचन गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच