काठमाडौं । भ्याली पब्लिक र फेरिल्याण्डले प्रथम ज्ञान संस्कार अन्तरविद्यालय बास्केटबल प्रतियोगिताको उपाधि शुक्रबार जितेका छन् । भ्याली पब्लिक जुनियर ब्वाइज तथा फेरिल्याण्ड जुनियर गल्र्समा च्याम्पियन बने । सामाखुशीस्थित आयोजक ज्ञान संस्कार इन्टरनेसनल स्कुलको कोर्टमा भएको जुनियर ब्वाइज फाइनलमा भ्याली पब्लिकले पारामाउण्ट एकेडेमीलाई ४५-२६ ले पराजित गर्यो । भ्याली पब्लिकको जितमा दिपेश यादवले १५ अंक योगदान गर्नुभयो ।
जुनियर गल्र्सको उपाधि भिडन्तमा सन्दीपा राईको १० अंक सहयोगमा फेरिल्याण्डले भ्याली पब्लिकलाई १९-१२ ले हरायो । दुई वर्षदेखि बास्केटबल खेल्न सुरु गरेको फेरिल्याण्डको यो समग्रमा दोस्रो उपाधि हो । फुल कोर्टमा भने पहिलो उपाधि हो । यसअघि फेरिल्याण्डले साइपाल थ्री बाइ थ्री बास्केटबलको उपाधि जितेको फेरिल्यान्डका प्रशिक्षक नारायण खवासले जनाउनुभएको छ ।
जुनियर ब्वाइजमा भ्याली पब्लिकका अशोक दरी तथा जुनियर गल्र्समा फेरिल्याण्डकी सन्दीपा राई ‘मोष्ट भेलुएबल प्लेयर’ घोषित हुनुभयो । जुनियर ब्वाइजमा पारामाउण्टका सुशान थापा र जुनियर गल्र्समा भ्याली पब्लिककी सपना गिरी उत्कृष्ट ‘थ्री प्वाइन्टर’ चुनिनुभयो । जुनियर ब्वाइजमा ज्ञान संस्कारका विकल्पराज भण्डारी र जुनियर गल्र्समा ज्ञान संस्कारकै सान्भी श्रेष्ठ सर्वाधिक स्कोरकर्ता बन्नुभयो ।
जुनियर ब्वाइजमा हृवाइट माउन्टेन तथा जुनियर गल्र्समा एन्जल्स हार्ट नेसनल स्कुल उदीयमान टिम बने । जुनियर ब्वाइजमा न्युटन तथा जुनियर गल्र्समा सत्यसाई शिक्षा सदनले अनुशासित टिमको उपाधि हात पारे । विजेतालाई नेपाल बास्केटबल संघका अध्यक्ष भीमसिंह गुरुङ, ज्ञान संस्कारकी प्रिन्सिपल निलम बानिया बडूलगायतले एक कार्यक्रमबीच पुरस्कृत गरे । सो अवसरमा प्रतियोगिता सफलतापूर्वक सम्पन्न गर्न सहयोग गरेकोमा प्रतियोगिता संयोजक पूर्ण न्यौपानेलाई प्रशंसा पत्रसहित सम्मान गरिएको थियो । माघ ११ गतेदेखि सुरु प्रतियोगिताको जुनियर ब्वाइजमा २४ तथा जुनियर गल्र्समा १६ टिम सहभागी थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच