काठमाडौं । आयोजक द एक्सेल्सियर स्कुल र भ्याली भ्यु ११औँ एक्सेल्सियर कपअन्तर्गत बास्केटबलको सिनियर ब्वाइजमा मंगलबार सेमिफाइनलमा प्रवेश गरेका छन् । स्वयम्भूस्थित घरेलु कोर्टमा एक्सेल्सियरले होली भिजनलाई ३८-२३ ले पराजित गर्यो । एक्सेल्सियरका सोङमेन तामाङले १९ अंक जोड्नुभयो । भ्याली भ्युले हृवाइटफिल्डलाई ४२-१३ ले सहजै हरायो । भ्याली भ्युका गणेशबहादुर विष्टले १३ स्कोर गर्नुभयो ।
सिनियर ब्वाइजमै एलआरआईले निःसर्ग वाटिकालाई ४९-२७ तथा रेडियन्ट पब्लिकले स्वर्णिमलाई ४५-१६ ले पाखा लगाए । एलआरआईका ¥युची श्रेष्ठले १९ र रेडियन्ट पब्लिकका रविन्द्र खत्रीले १५ अंक जोड्नुभयो ।
सिनियर गल्र्सको क्वाटरफाइनल बुधबार हुनेछ । त्यो दिन रेडियन्ट पब्लिकले ल्याण्डमार्क एकेडेमी, रिब्सले एलआरआई, स्वर्णिमले ग्यालेक्सी पब्लिक र एक्सेल्सियरले चाँदबागविरुद्ध क्वाटरफाइनलमा प्रतिस्पर्धा गर्नेछन् ।
यसैबीच, एक्सेल्सियर कपअन्तर्गत ब्वाइज फुटसलको यू-९ उमेर समूमा सेमिफाइनल समीकरण तयार भएको छ । सेमिफाइनलमा एक्सेल्सियर र संस्कृति तथा राई स्कुल र काभ्या भिड्नेछन् । यू-११ मा एक्सेल्सियर ‘नीलो’, भ्याली भ्यु, काभ्या, न्यु जेनिथ, द चाँदबाग, राई स्कुल, स्वस्तिश्री गुरुकुल र जोन डेवी क्वाटरफाइनलमा पुगे । यू-१४ मा एक्सेल्सियर ‘रातो’ र ‘नीलो’, इम्पेरियल, विद्यावाणी पाठशाला, मेगस, जोन डेवी, काठमाडौं लिङकन स्कुल तथा बोधीसत्वले क्वाटरफाइनलमा स्थान सुरक्षित गरे । यू-१६ मा निःसर्ग वाटिका, रेडियन्ट पब्लिक, ग्यालेक्सी पब्लिक, रिब्स, न्यु एरा, स्वस्तिश्री गुरुकुल, एक्सेल्सियर ‘हरियो’ र बोधीसत्वले क्वाटरफाइनल यात्रा तय गरे ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच