काठमाडौं । एलएस अटोको आधिकारिक बिक्रेता नेक्सन वेन्चर प्रालिले चितवनको सिजिआर रिसोर्टमा टेष्ट ड्राइभ क्याम्प आयोजना गर्ने भएको छ । टेष्ट ड्राइभ क्याम्प फागुन ९ र १० हुने पनि कम्पनीले जनाएको छ । संघाइ लन्च अटोमोटिभ टेक्नलोजीअन्तर्गतको एलएस अटो एक नयाँ न्यू इनर्जी भेहिकल कम्पनी हो । विगत २५ वर्षदेखि विभिन्न ब्राण्डको अटोमोबाइलको डिजाइन, इञ्जिनियरिङ, प्रोटोटाइप विकास तथा ट्र्याल प्रोडक्सन जस्ता सम्पूर्ण काम (टर्नकी प्रोजेक्ट) गर्दै आएको कम्पनीले आफ्नै अटोमोबाइल ब्राण्डको इभी तयार गरेको हो ।
संघाइ लन्च अटोमोटिभले चीनमा अटोमोबाइलमात्र नभई हाइस्पिड रेलवे, हेलिकप्टर डिजाइनसमेत गर्दै आएको छ । कम्पनीको जियाङसी प्रोभियन्समा वार्षिक एक लाख ५० हजार उत्पादन क्षमता भएको आफ्नै फ्याक्ट्री रहेको छ । कम्पनीले युरोपियन बजार लक्षित गर्दै टर्कीमा समेत उत्पादन प्लान्ट स्थापना गर्दैछ । कम्पनीले हालसम्म नेपाललगायत मोरिसस, टर्की, इजिप्ट, नाइजेरिया कजाकिस्तान लगायत ११ देशमा आफ्नो उपस्थिति जनाइसकेको छ ।
कम्पनीको पहिलो मोडलका रूपमा एलइभी १ क्रसओभर इलेक्ट्रिक एसयुभी हो । एलएस अटोको सन् २०२५ मा थप दुई मोडलहरू एलइभी ३ र एलइभी ५ लन्च हुँदैछ । उल्लेखित कार एलएचएस र आरएचएस दुवै अप्सनमा बन्ने भएकाले छिट्टै नेपालमा समेत आउने बताइएको छ । एलइभी ३ एक प्रिमियम क्रसओभर इलेक्ट्रिक एसयुभी हो भने एलइभी ५ मिडसाइज कम्प्याक्ट एसयुभी हो ।
कम्पनीका अनुसार एलएस अटोले बनाएको पहिलो मोडल एलइभी १ नेपाल भित्रिसकेको छ । नेपालका लागि नेक्सन भेन्चर आधिकारिक वितरक नियुक्तिसँगै एलएस अटोको एलइभी १ नेपाल भित्रिएको हो । स्ट्याण्डर्ड र कम्फर्ट गरी दुई भेरियन्टमा रहेको एलइभी १ मा ६७.१ किलोवाट आवरको ब्याट्री प्याक रहेको छ । चीनको लिडिङ डिजाइन हाउस एलएस अटोले बनाएको एसयुभी निकै एरोडाइनामिक रहेको छ । जसको ड्र्याग कोफिसियन्ट इलेक्ट्रिक एसयुभीमा सबैभन्दा कम ०.२६८ मात्र रहेको छ भने एकपटकको फुलचार्जमा पाँच सयभन्दा बढी किलोमिटर रेन्ज दिन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच