मोरङ । विराटनगरमा यही फागुन १९ गते सोमबारदेखि हुने नवौं विराट गोल्डकपको उद्घाटन खेलमा भारतको साउथर्न सामिति एफसीले विभागीय टोली त्रिभुवन आर्मी क्लबको सामना गर्ने भएको छ । बुधबार खेल तालिका सार्वजनिक गरिएको हो ।
जसअनुसार विराटनगरको शहीद मैदानमा हुने पहिलो खेलमा पाहुना टोली सामितिले दुईपटक फाइनल पुगेको आर्मीको सामना गर्ने भएको हो । फागुन २० गते हुने गोल्डकपको दोस्रो खेलमा भारतको दिल्लीस्थित सुदेभा दिल्ली एफसीले एकपटकको गोल्डकप विजेता एपिएफको सामना गर्नेछ ।
१० टोलीको सहभागिता रहेको गोल्डकपमा २०७२ सालको विजेता टोली नेपाल पुलिस क्लब र आयोजक मोरङ एफसीले भने क्वाटरफाइनलबाट गोल्डकप यात्रा अघि बढाउनेछन् । फागुन २१ गते मोरङ एफसीले आर्मी र साउथर्न सामितिको विजेता टोलीसँग क्वाटरफाइनलमा प्रतिस्पर्धा गर्नेछ ।
त्यसैगरी सुदेभा र एपिएफसीको विजेतासँग पुलिस क्लबले फागुन २२ गते स्पर्धा गर्नेछ । फागुन २३ गतेको खेलमा पूर्वविजेता थ्रीस्टारले साबिक विजेता मच्छिन्द्र फुटबल क्लबको सामना गर्ने आयोजकले जनाएको छ । २४ गतेको खेलमा चर्च ब्वाइज युनाइटेडसँग न्युरोड टिम एनआरटीले प्रतिस्पर्धा गर्ने भएको छ ।
दुवै सेमिफाइनल खेल फागुन २५ र २६ हुने बताइएको छ । फागुन २७ गतेलाई रिजर्भ राखेर गोल्डकपको उपाधि भिडन्त फागुन २८ गते हुने गोल्डकप संयोजक नवीन रिजालले जानकारी गराउनुभयो । बेलुका साढे ६ बजेबाट खेल सुरु गरिने संयोजक रिजालले बताउनुभयो ।
गोल्डकपको विजेता टोलीले ट्रफीसहित ११ लाख रुपैयाँ र उपविजेता टोलीले नगद पाँच लाख रुपैयाँ हात पार्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच