‘ब्युटिसियन ट्यालेन्ट नेपाल २०२५’ को उपाधि सुमित्रालाई

ललितपुर । ‘ब्युटिसियन ट्यालेन्ट नेपाल २०२५, सिजन ७’ को उपाधि विराटनगरकी ब्युटिसियन सुमित्रा खवासले जित्नुभएको छ । बिहीबार अबेर साँझ ललितपुरको च्यासलस्थित ज्यापु एकेडेमी भवनमा सम्पन्न यो प्रतियोगितामा शीर्ष उपाधिसहित सुमित्राले २५ हजार रुपैयाँ र विभिन्न पुरस्कारसमेत प्राप्त गर्नुभयो । उहाँले भिवर्स च्वाइस र इन्टेलिजेन्ट ब्युटिसियनको अवार्ड पनि चुम्नुभयो ।

यस प्रतियोगिताका लागि २२ जना चयन भएको विभिन्न चरणको प्रतिस्पर्धापछि फाइनल राउण्डका लागि १५ जना चयन भएका थिए । उनीहरूबीचको प्रतिस्पर्धामा धादिङकी ब्युटिसियन सुजिता अधिकारीले १५ हजार रुपैयाँसहित फस्ट रनर अपको उपाधि र विभिन्न उपहार प्राप्त गर्नुभयो । उहाँले ट्यालेन्ट ब्युटिसियनको अवार्ड पनि हासिल गर्नुभयो । १० हजार रुपैयाँसहित सेकेण्ड रनर अपको उपाधि धरानकी ब्युटिसियन स्मृति सुब्बाले प्राप्त गर्नुभयो । स्मृतिले बेस्ट ड्रेस र बेस्ट क्याटवाकको उपाधि पनि हासिल गर्नुभयो ।

रोज ब्युटी एकेडेमी र विलक्षण क्रियसन प्रालिद्वारा आयोजित प्रतियोगितामा थर्ड रनर अपसहित बेस्ट मेकअप अवार्ड रचना बज्राचार्यले, पब्लिक च्वाइस र मष्ट ब्युटिफुल अवार्ड रविना ठकुरीले, म्यानेजमेन्ट च्वाइससहित बेस्ट नेलआर्ट अवार्ड रोशनी पुजारीले हासिल गर्नुभयो ।
यस्तै, मष्ट डिसिप्लेन अवार्ड निशा रजकले, बेस्ट मेहन्दी आर्ट अवार्ड स्नेहा चौधरीले, मष्ट फोटोजेनिक अवार्ड दुर्गा सुवेदीले, बेस्ट फिगर अवार्ड सुजिता दयालले, बेस्ट आई अवार्ड सपना रसाइलीले, बेस्ट हेयर स्टाइलिष्ट अवार्ड अञ्जली चौधरीले, मष्ट स्मार्ट अवार्ड रेशु आचार्यले, मष्ट इन्नोसेन्ट अवार्ड मनसरा राईले र हेल्दी हेयर अवार्ड निर्मला पौडेलले प्राप्त गर्नुभयो ।

जयन सुब्बा मानन्धरको कोरियोग्राफी, कस्मोलोजिस्ट परिषी कारञ्जितको संयोजन एवं यस प्रतियोगिताको पहिलो सिजनको विजेता एवं गायिका सरिता भारतीको व्यवस्थापनमा यो प्रतियोगिता भएको थियो । प्रतियोगिताको ग्राण्ड फिनालेको निर्णायकमा गणेशमान सिंह प्राविधिक शिक्षालयका प्रिन्सिपल डिएन पराजुली, अभिनेता यशराज गराच, फेसन डिजाइनर तथा पूर्व मिसेस युनिभर्स नेपाल मनिषा डंगोल श्रेष्ठ, अन्तर्राष्ट्रिय फेसन कोरियोग्राफर अश्विनी कान्त, एच्यु हेयर ओयलकी प्रबन्ध निर्देशक विमला मानन्धर र अग्रज ब्युटिसियन निशा शाक्य रहनुभएको थियो ।

आयोजक संस्था रोज ब्युटी एकेडेमीकी अध्यक्ष एवं अग्रज ब्युटिसियन सोनी कारञ्जितले ब्युटिसियनहरूको व्यक्तित्व विकासका लागि विगत आठ वर्षबाट नियमितरूपमा यो प्रतियोगिता आयोजना गर्दै आएको बताउनुभयो ।
कार्यक्रममा प्रमुख अतिथि अग्रज अभिनेता भुवन केसीले विलक्षण क्रियसन र रोज ब्युटी एकेडेमीले ब्युटिसियनहरूका लागि यो एउटा महŒवपूर्ण कार्यक्रम गर्दै आएको बताउनुभयो । उहाँले विजेताहरूलाई बधाई ज्ञापन गर्दै मेकअप आर्टिस्टकै कारण आफूहरू पर्दामा राम्रो देखिँदै आएको सुनाउनुभयो ।

अर्का आयोजक एवं विलक्षण क्रियसन प्रालिका अध्यक्ष तथा पत्रकार, गीतकार डब्बु क्षेत्रीले सबैलाई धन्यवाद ज्ञापन गर्दै यो प्रतियोगितामा सहभागी भएर धेरैजना ब्युटिसियनहरूको जीवनमा परिवर्तन आएको जिकिर गर्नुभयो । अग्रज अभिनेत्री एवं निर्देशक दीपाश्री निरौलाले विजेताहरूलाई शुभकामना दिँदै यो कार्यक्रम ब्युटिसियनहरूका लागि आउँदा दिनमा निरन्तर अघि बढाउनुपर्ने बताउनुभयो ।

विभिन्न सांगीतिक प्रस्तुतिसहित भएको यो कार्यक्रममा अग्रज संगीतकार एवं बाँसुरी वादक सुशीलकुमार विश्वकर्मा, अग्रज चलचित्र निर्देशक सुचित्रा श्रेष्ठ, अग्रज सञ्चारकर्मी जानुका बराल, अग्रज नृत्य निर्देशक केशव कोइराला, गायक नवीनकुमार पौडेल र फेसन डिजाइनर सञ्चिता बराल सम्मानित हुनुभएको थियो । यस्तै, ब्युटिसियन क्षेत्रबाट अग्रज ब्युटिसियनहरू सनम खड्गी, हिरा राई र अनिषा तामाङ सम्मानित हुनुभएको थियो ।

कार्यक्रममा ‘यो मन त मेरो नेपाली हो’का अभिनेता रोशन श्रेष्ठले चलचित्रको शीर्ष गीतमा आफ्नो प्रस्तुति दिनुभएको थियो । यस्तै, अग्रज गायिका सत्यकला राई, गायकहरू डेभिड शंकर, रमेश पाठक, ओम सुनार, सानुबाबु महर्जन, नारायण थापा, रमेश पाठक, नवीनकुमार पौडेलले आफ्ना चर्चित गीत प्रस्तुत गरेर कार्यक्रमलाई संगीतमय तुल्याउनुभएको थियो । कार्यक्रमका नृत्य निर्देशक कृष्ण रसाल र मोडल शिला गजुरेलले विभिन्न गीतमा नृत्य प्रस्तुत गरेर दर्शकलाई आफूसँगै नचाउनुभएको थियो । कार्यक्रमलाई सेसेमी लिम्बूले सञ्चालन गर्नुभएको थियो ।