काठमाडौं । केन्याविरुद्धको तीन एकदिवसीय अभ्यास खेलको सिरिजमा नेपालले क्लिनस्विप गरेको छ । अन्तिम तथा तेस्रो खेलमा नेपालले केन्यामाथि ६ विकेटको जित हात पार्दै सिरिज ३-० ले आफ्नो पक्षमा पारेको हो ।
जितको लागि २५६ रनको विजयी लक्ष्य पछ्याएको नेपालले ४७.१ ओभरमा ४ विकेट गुमाउँदै पूरा गर्यो । नेपालको जितमा बसिर अहमदले ४९ बलमा ७ चौकासहित ५२ रन जोड्नुभयो । यस्तै कप्तान रोहित पौडेल ४६ बलमा ४ चौकासहित ४६ रन थप्नुभयो । दुबैजना अविजित रहनुभएको थियो ।
पाँचौं विकेटका लागि बसिर अहमद र रोहित पौडेलले ९५ रनको अविजित साझेदारी गर्नुभएपछि नेपालको जित पक्का बनेको हो । त्यसअघि नेपालका लागि अर्जुन साउदले ९० बलमा ३ चौका र २ छक्कासहित ५८ रनको अर्धशतकीय पारी खेल्दै सानदार सुरुवात दिलाउनुभएको थियो । त्यसबाहेक ज्ञानेन्द्र मल्ल ५१ बलमा १ चौकासहित ३३ रनमा आउट हुनुभयो । दोस्रो विकेटका लागि ज्ञानेन्द्र र अर्जुनले ८१ रनको साझेदारी भएपछि नेपाल लक्ष्य प्राप्तीको बाटोमा अघि बढेको हो । अर्का ओपनर आसिफ शेखले समेत ४३ बलमा ९ चौका र २ छक्कासहित ५६ रन जोड्नुभएको थियो । केन्याका विरज पटेलले १० ओभरमा ४७ रन खर्चेर २ विकेट लिनुभयो ।
त्यसअघि केन्याको नैरोवीस्थित जिमखाना क्रिकेट मैदानमा टस जितेर पहिले ब्याटिङ गरेको केन्याले निर्धारित ५० ओभरमा ९ विकेट गुमाएर २५५ रनको योगफल बनाएको थियो । केन्याका लागि कोलिन्स अबुयाले ८४ रनको अर्धशतकीय इनिङ खेल्नुभयो । उहाँले १११ बलमा सात चौका र दुई छक्काको ८४ रन जोड्नुभएको हो ।
यस्तै लुकास एनडानडासनले अविजित रहँदै ५९ रनको योगदान दिनुभयो भने सुखदिप सिंहले ३७ रन बनाउनुभयो । इमानुएल बुन्डीले २३ रन बनाउँदा कप्तान शेम एनगोचेले १७ रन जोड्नुभयो ।
बलिङमा नेपालका सोमपाल कामी र आदील अन्सारीले समान दुई/दुई विकेट लिनुभयो भने बसिर अहमद र शाहब आलमले एक/एक विकेट लिनुभयो । यसअघि एकदिवसीय सिरिजको पहिलो खेलमा नेपालले केन्यालाई ७ विकेटले पराजित गरेको थियो भने दोस्रो एकदिवसीय खेलमा १७ रनले विजयी भएको थियो । त्यसअघि केन्या विरुद्धको पाँच खेलको टी-२० अन्तर्राष्ट्रिय सिरिजमा नेपालले ३-२ ले जितेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच