काठमाडौं । यस साता सेयर बजार ११.३१ अंकले घटेर बजार पुँजीकरण एक खर्ब ४३ अर्ब रुपैयाँमा झरेको छ । गत साता ३१ खर्ब ७९ अर्ब ४० करोड रहेको बजार पुँजीकरण घटेर ३१ खर्ब ६६ अर्ब रुपैयाँमा सीमित भएको हो । यस साता नेप्से ११ अंक घटेर २२२३.७८ अंकमा बन्द भएको थियो । गत साता २२३५.०९ अंकमा बन्द भएको थियो ।
यस साता १३ समूहगत सूचकमध्ये तीनवटाको बढेको छ भने बाँकी १० वटाको घटेको छ । साता बैंकिङ उत्पादन तथा प्रशोधन र म्युचुअल फन्ड बढेको छ । बैंकिङ सबैभन्दा धेरै ०.३३ प्रतिशत बढेर १५४८.८७ बिन्दुमा पुगेको छ । होटल तथा पर्यटन समूहको सूचक साता सबैभन्दा बढी घटेको छ ।
यस साता कुल पाँच अर्ब ७० करोडभन्दा बढीको सेयर कारोबार भएको छ । दैनिक औसत एक अर्ब १४ करोडको सेयर कारोबार भएको हो । गत साता दैनिक औसत एक अर्ब ३० करोडको कारोबार भएको थियो ।
नारायणी डेभलपमेन्ट बैंकको सर्वाधिक १५.०७ प्रतिशत बढेर तीन सय ९७ रुपैयाँ पुगेको छ भने मेगा बैंक ११.११, रुरु जलविद्युत् ५.८८, प्रभु इन्स्योरेन्स ५.३८ र सामुदायिक लघुवित्तको ४.८३ प्रतिशतले बढेको छ । सर्वाधिक घट्नेमा कर्पोरेट डेभलपमेन्ट बैंक रहेको छ । कर्पोरेट डेभलपमेन्ट बैंकको सेयरमूल्य सर्वाधिक १७.२० प्रतिशत घटेर तीन सय ८२ रुपैयाँमा झरेको छ ।
यस साता विभिन्न छ कम्पनीका कुल दुई करोड २५ लाख ३३ हजार ८२९.१६ कित्ता सेयर नेप्सेमा सूचीकृत भएका छन् । बलेफी हाइड्रोपावर र उपकार लघुवित्त गरी दुई कम्पनीको सेयर, साल्ट ट्रेडिङ, आरएसडिसी लघुवित्त र सेन्ट्रल फाइनान्स गरी तीन कम्पनीको बोनस र समृद्धि फाइनान्स कम्पनीको हकप्रद सेयर सूचीकृत भएको नेपाल स्टक एक्सचेन्ज (नेप्से) ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच