बलेरो र यात्रुबस ठक्कर खाँदा १ जनाको मृत्यु

Wednesday May 18, 2022

Read Time = 1 min

प्रदेश समाचार

A A- A+

सर्लाही । बलेरो पिकअप र यात्रुबस ठक्कर खाँदा १ जनाको मृत्यु भएको छ भने आधा दर्जन यात्रु घाईते भएका छन् ।

पूर्वबाट पश्चिमतर्फ आउँदै गरेको प्र ३-०१-०२५ च ५७४३ नम्बरको पिकअपले बुधबार दिउँसो सबा २ बजे विपरित दिशाबाट गईरहेको ना ५ ख ५५१५ नम्बरको यात्रुबसलाई ठक्कर दिएको प्रहरीले जनाएको छ ।

गुडिरहेको बसलाई तिब्र गतिको पिकअपले ठक्कर दिएको र पिकअपबाट जोगिन खोज्दा यात्रुबस पल्टिएको हो । बसले च्याप्पिएर सहचालक सुनसरीको ईटहरी उपमहानगरपालिका ४ निवासी ३७ वर्षीय भीम राजवंशीको मृत्यु भएको छ ।

बसका चालक विदुर निरौला सहित १२ जना घाईते भएको र एकजनाको अवस्था गम्भीर रहेको प्रहरीले जनायो । घाईतेहरुको लालबन्दी मोडेल अस्पतालमा उपचार भईरहेको ईलाका प्रहरी कार्यालय केशरगंजले जनाएको छ ।

बससँग ठोक्किएको पिकअप भ्यान उछ्छिटिएर जंगलभित्रै पुगेको छ । प्रहरीका अनुसार पिकअपका चालक फरार छन् ।

यो खबर पढेर तपाईलाई कस्तो महसुस भयो ?