बैतडी । बैतडीमा ११३ बर्षिया वृद्वाले मतदान गर्नुभएकाे छ । जिल्लाको पाटन नगरपालिका- ४ की ११३ वर्षीया मानमतिदेवी भट्टले उदयदेव आधारभूत विद्यालयमा रहेको मतदान केन्द्रबाट मतदान गर्नुभएको हो ।
अब आउने नयाँ चुनिने प्रतिनिधि र नयाँ बन्ने सरकारले समाज विकासको योजनालाई प्राथमिकतामा राख्नुपर्ने उहाँले बताउनुभयो ।
यसैबीच जिल्लाको मेलौली नगरपालिका- २ सलेनाकी ९९ बर्षीया मानमती जोशीले पनि मतदान गर्नुभएको छ । धर्मघर मावि सलेना मतदान केन्द्रबाट उहाँले मतदान गर्नुभएको हो । यो मतदान पछि निर्वाचित भएर आउने प्रतिनिधिले जनताको हित हुने र मतदाताकाे आवश्यकतालाई प्राथमिकता दिई काम गर्नुपर्ने जाेशीकाे भनाइ छ ।
यस्तै जिल्लाको दशरथचन्द नगरपालिका-८ मौनीगाउँमा ८४ वर्षीय शेरसिंह धामीले पनि त्रिपुरासुन्दरी स्वास्थ्यचौकी मतदान केन्द्रमा पुगेर आईतवार बिहान मतदान गरेको सहायक मतदान अधिकृत लक्ष्मी बिष्टले जानकारी दिनुभयो ।
जिल्लामा दिउँसो १ बजे सम्म २५ प्रतिशत मत खसेको छ । ३६ हजार ४ सय ९४ मत मध्ये १९ हजार ७ सय ३७ पुरुष र १६ हजार ७५७ महिला रहेको प्रमुख जिल्ला अधिकारी सुरेश पन्थीले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच