धादिङ-२ को प्रदेश सभा ‘ख’ मा मतगणना स्थगित

बाबुराम श्रेष्ठ धादिङ, संवाददाता

७ मङ्सिर २०७९, बुधबार १३:३२

Read Time = 1 min

डिजिटल संस्करण

आम निर्वाचन २०७९

A A- A+

धादिङ । धादिङको प्रतिनिधि सभा क्षेत्र नम्बर-२ को प्रदेश सभा ‘ख’ को मतगणा रोकिएको छ । क्षेत्र नम्बर-२ को प्रदेश सभा ‘ख’ मतदाता भन्दा बढी मतपत्र भेटिएपछि मतगणना रोकिएको हो ।

खनियाँबास गाउँपालिका-४ गणेशकुण्ड मतदान केन्द्रको मतपेटिकाको दुई वटा सिल तोडिएको भन्दै राप्रपा र एमालेका कार्यकर्ताहरुले प्रदर्शन समेत गरेका छन् । चार वटा केन्द्रको खसेको मतमा ९२ मतपत्र धेरै भेटिएको छ । त्यहाँ १ हजार १ सय ९ मतदाताले मतदान गरेको मुचुल्का छ । तर मत गन्ने तयारी गर्दा १ हजार २ सय १ मतपत्र भेटिएको हो ।

पछिल्लो मतपरिणाम अनुसार प्रदेश सभा ‘ख’ का उम्मेदवार नेकपा माओवादी केन्द्रका जगत सिंखडा २४६ मतले राप्रपाका उम्मेदवार डम्बर तामाङ भन्दा अगाडि रहनुभएकाे छ । सिम्खडाको ९ हजार ८ सय ९ र तामाङको ९ हजार ५ सय ६३ मत रहेको छ ।

आम निर्वाचन २०७९

धादिङ

यो खबर पढेर तपाईलाई कस्तो महसुस भयो ?