काठमाडौं । नयाँ सरकार गठन र शक्ति समीकरण बारे छलफल गर्ने गरी सत्ता गठबन्धनको बैठक बालुवाटारमा सुरु भएको छ ।
प्रधानमन्त्रीको सरकारी निवास बालुवाटारमा बसेको बैठकमा नेपाली कांग्रेस, नेकपा माओवादी केन्द्र, नेकपा एकीकृत समाजवादी र राष्ट्रिय जनमोर्चाका शीर्ष नेता सहभागी छन् ।
गठबन्धन बैठकअघि माओवादी केन्द्रका अध्यक्ष पुष्पकमल दाहाल प्रचण्ड र प्रधानमन्त्री शेरबहादुर देउवाबीच छलफल भएको थियो ।
प्रचण्ड र प्रधानमन्त्री देउवाबीचको भेटपछि सत्ता गठबन्धनको बैठक सुरु भएको हो ।
यसअघि आजै बिहान कांग्रेसका वरिष्ठ नेता रामचन्द्र पौडेलले माओवादी अध्यक्ष प्रचण्डलाई उहाँको निवास खुमलटारमा भेट्नुभएको थियो । सो क्रममा उहाँले हालको गठबन्धन यथाबत राख्न जोड दिनुभएको थियो ।
यसअघि गठबन्धनका नेताहरूबीच भएका बैठक निष्कर्षबिहीन भइरहेका थिए । सत्तारुढ दल कांग्रेस र माओवादी केन्द्रले प्रधानमन्त्रीमा आआफ्नो दाबी गरिरहेका कारण गठबन्धन भित्र दरार सुरु भएको छ ।
सरकार निर्माणका लागि राष्ट्रपति विद्यादेवी भण्डारीले दिएको समयसीमा भोलि अपरान्ह ५ बजे सकिँदैछ । यसर्थ आजको बैठक निर्णायक हुने अनुमान गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच