काठमाडौं । चर्चित टेलिभिजन पत्रकार मनोज जोशीले दुर्लभ बोन म्यारो रोगसँग लड्दै गर्नुभएकी धनकुटा जिल्लाको महालक्ष्मी नगरपालिका-२ मरेककी १९ वर्षीया प्रेमा रोगुको उपचारमा सहयोग गर्नुभएको छ । उहाँले सहयोग स्वरुप २१ हजार १०० रुपैयाँ प्रेमाको परिवारलाई प्रदान गर्नुभएको हो ।
विज्ञानमा स्नातक अध्ययनरत प्रेमा काठमाडौंको सिभिल अस्पतालमा आर्थिक अभावका कारण दुर्लभ बोन म्यारो रोगसँग लड्दै गरेको र पर्याप्त आर्थिक स्रोत नहुँदा प्रेमाको उपचार जारी राख्न नसकेको भन्ने सूचना पाएपछी पत्रकार जोशीले प्रेमालाई उपचारमा केही हदसम्म भएपनि सहयोगहोस् भन्ने हेतुले सो रकम प्रदान गरेको बताउनुभएको छ । प्रेमाका बुबा विष्णुकुमार रोगुले भन्नुभयो, ‘हामी सबै सहयोगी हातहरूलाई प्रेमाको जीवन बचाउन सहयोगको याचना गरिरहेको समयमा पत्रकार जोशीको यो सहयोग हाम्रा लागि अमूल्य सावित भएको छ ।’
तनहुँ जिल्लामा जन्मनुभएका जोशी नेपालको एक परिचित अनुहार दक्ष टेलिभिजन पत्रकार, समाचार प्रस्तोतार, संवाददाता र टक शो होस्ट हुनुहुन्छ । टेलिभिजन पत्रकारितामा दुई दशक अगाडि देखि लाग्नुभएका जोशीले कान्तिपुर टेलिभिजन, इमेज च्यानल जस्ता टेलिभिजनमा समाचार बाचन अन्तरवार्ता र समाचार प्रडुसर लगायतमा ख्याति कमाउनुभएको छ । एपिवान टेलिभिजनमा जोशी सिनियर समाचार वाचक, अन्तवार्ताकार, रक्षा र सुरक्षाविटका संबादाताका रुपमा कार्यरत हुनुहुन्छ ।
पत्रकारितासँगै लामो समयदेखि समाजिक कार्यमासमेत सक्रिय जोशीले अनाथ र बिपन्न परिवार, आर्थिक समस्यामा परेर उपचार गर्न समस्या बेहोरिरहेका व्यक्तिलाई आर्थिक सहयोग गर्दै आइरहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच