काठमाडौं । नेपाल टी-२० लिगमा आज दुई खेल हुँदैछन्।
काठमाडौं नाइटसले आफ्नो दोस्रो खेलमा आज फार वेस्ट युनाइटेडसँग प्रतिस्पर्धा गर्दैछ। कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने खेल बिहान ९ बजे पछि सुरु हुनेछ।
ज्ञानेन्द्र मल्लको कप्तानीमा रहेको काठमाडौं लगातार दोस्रो जितको खोजीमा छ। उसले पहिलो खेलमा पोखरा एभेन्जर्समाथि २६ रनको जित हात पारेको थियो।
काठमाडौं २ अंक जोड्दै तालिकाको दोस्रो स्थानमा छ। पहिलो खेलमा पराजित फार वेस्ट भने पुनरागमनको प्रयासमा हुनेछ। फार वेस्टले लुम्बिनी अल स्टार्ससँग ६७ रनको फराकिलो हार बेहोरेको थियो।
आजै हुने दोस्रो खेलमा जनकपुर रोयल्स र विराटनगर सुपर किंग्सबीच खेल हुनेछ। विराटनगर अंकको खाता खोल्ने उद्देश्यसहित जनकपुरविरुद्ध मैदान उत्रिनेछ।
आइतबार भएको खेलमा लुम्बिनीले विराटनगरमाथि ३ तीन रनको रोमाञ्चक जित निकालेको थियो। जनकपुरले भने पोखरालाई ५ विकेटले पराजित गर्दै प्रतियोगितामा उत्कृष्ट सुरुवात गरेको थियो।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच