इलाम । इलाम नगरपालिकाले ज्येष्ठ नागरिकहरूलाई इलाममा न्यानो कपडा वितरण गरेको छ । जाडो मौसम सुरु भएसँगै इलाम नगपालिका-९ का ज्येष्ठ नागरिकको सम्मानस्वरूप ७५ वर्ष माथिका १५० जनाभन्दा बढी ज्येष्ठ नागरिकलाई वडा कार्यालयले न्यानो कपडा वितरण गरेको हो ।
यसका साथै ज्येष्ठ नगारिकहरूको स्वास्थ्य परीक्षणसमेत गरिएको छ । जिउँदो इतिहासका रूपमा रहेका उनीहरूलाई चिसोमा न्यानो कपडा लागाई जोगिन र स्थानीय सरकार रहेको अनुभूति दिलाउने उद्देश्यले सम्मान गरेको वडाध्यक्ष गोपाल चौहानले जानकारी दिनुभयो ।
सम्मान कार्यक्रममा बोल्दै वडाध्यक्ष चौहानले यो निर्वाचित भएर आएको पहिलो वर्ष रहेको बताउँदै आगामी वर्षहरूमा पनि यी र यस्ता कार्यक्रमलाई निरन्तरता दिने बताउनुभएको छ । स्थानीय नागरिकहरूको मनोभावना बुझेर नगरपालिकाले समाजिक सुरक्षा भक्ता सहज रूपमा वडाबाटै वितरण गर्ने व्यवस्थासमेत सुरु गरेको नगरपालिका उपप्रमुख विष्णुकुमारी दाहालले बताउनुभयो ।
यता, नगरपालिकाका प्रमुख केदार थापाले वृद्ध वृद्धाहरूको हकहित तथा सहयोगको लागि पालिकाले विभिन्न खाले कार्यक्रममार्फत सहयोग गरिरहेको बताउनुभएको छ । थापाले स्थानीय सरकार भएको अनुभूति दिलाउन सबैै वडामा ज्येष्ठ नागरिक सम्मान कार्यक्रमलगायत विभिन्न खालका लक्षित कार्यक्रम सञ्चालन गरिरहेका बताउनुभयो । न्यानो कपडा पाएसँगै ज्येष्ठ नागरिकहरूले खुसी व्यक्त गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच