बाजुरा । लागु औषध चरेस सहित बाजुरा घर भएका दुईजना अछाममा पक्राउ परेका छन् ।
शुक्रबार साँझ इलाका प्रहरी कार्यालय साँफेबगरको टोलीले उनीहरुलाई पक्राउ गरेको हो ।
लागु औषध ओसारपसार भइरहेको भन्ने गोप्य सूचनाका आधारमा ईलाका प्रहरी कार्यालय साँफेबगरका प्रहरी नायव निरीक्षक दिलिप सिंह बिसिको कमान्डमा खटिएको प्रहरीको टोलीले ६० वर्षिया लाक्पा थापा र ३५ वर्षिया महिला धम्ब चेतोलाई पक्राउ गरेको जिल्ला प्रहरी कार्यालय अछामका सूचना अधिकारी प्रहरी निरीक्षक कैलाश सिंह बिष्टले बताउनुभयो ।
बाजुराको बुढीनन्दा नगरपालिका स्थायी घर भइ हाल अछामको साँफेबगर नगरपालिका वडा नम्बर ३ टोटासालमा भेडाबाख्रा ब्यवसाय सञ्चालन गरिरहेका उनीहरुलाई अछाम प्रहरीले पक्राउ गरेको हो । निज लाक्पा थापाको साथबाट ८सय ३८ ग्राम र धम्ब चेतोबाट १७८ ग्राम गरी १ किलो १६ ग्राम चरेस बरामद गरिएको प्रहरीले जनाएको छ ।
चरेससहित दुबै जनालाई नियन्त्रणमा लिई थप अनुसन्धान भइरहेको प्रहरी निरीक्षक बिष्टले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच