लण्डन । इंग्लिस प्रिमियर लिगमा लिभरपुलले एभर्टनलाई दुई-शुन्य गोल अन्तरले पराजित गरेको छ । लिभरपुलको जितमा इजिप्टका मोहम्मद सलाह र डच फरवार्ड कोडी गाक्पोले गोल गर्नुभयो ।
खेलको ३६औँ मिनेटमा मोहम्मद सलाहले गोल गर्दै लिभरपुललाई एक-शुन्य को अग्रता दिलाउनुभयो । उहाँले डार्विन नुनेजको पासमा गोल गर्नुभएको थियो ।
४९औँ मिनेटमा गाक्पोले गोल गर्दै लिभरपुलको अग्रता दोब्बर पार्नुभयो । ट्रेन्ट एलेक्सान्डर आर्नाेल्डको लो क्रसलाई गाक्पोले सदुपयोग गर्नुभयो ।
लिभरपुलमा गाक्पोको यो पहिलो गोल हो । कतार विश्वकप २०२२ मा उच्च प्रदर्शन गरेपछि गाक्पो यसै विन्टरमा डच क्लब पिएसभी इन्डोभेनबाट लिभरपुल आउनुभएको थियो ।
यस जितसँगै लिभरपुल २१ खेलबाट ३२ अंक जोडेर नवौँ स्थानमा उक्लिएको छ । पराजित एभर्टन २२ खेलबाट १८ अंक जोडेर रेलिगेसन जोनको १८औँ स्थानमा छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच