काठमाडौं । उपप्रधान तथा भौतिक पूर्वाधार तथा यातायातमन्त्री नारायणकाजी श्रेष्ठले देशको समृद्धिका लागि सहकार्यमा जोड दिनुभएको छ । शुक्रबार खिचापोखरी न्युरोड व्यापार संघको आठौँ अधिवेशन तथा १५औँ वार्षिक साधारणसभा उद्घाटन गर्दै उहाँले सबैको हातेमालोबाट मात्रै समृद्धि सम्भव हुने बताउनुभएको हो ।
समाजवादोन्मुख अर्थतन्त्र निर्माणका लागि राज्यको भूमिका बढी हुने भए पनि निजी क्षेत्रको सहयोगबिना सम्भव नहुने उहाँको भनाइ थियो । निजी क्षेत्रमा देखिएका समस्या समाधानका लागि सरकार लागिरहेको पनि मन्त्री श्रेष्ठले बताउनुभयो । नेपाल राष्ट्रिय व्यवसायी महासंघका अध्यक्ष कुमार कार्कीले भने व्यवसायीका समस्या समाधानका लागि सरकार गम्भीर नदेखिएका कारण व्यवसायी आत्महत्याको अवस्थामा पुगेको आरोप लगाउनुभयो ।
नेपाल राष्ट्रिय व्यवसायी महासंघका संस्थापक अध्यक्ष नरेश कटुवालले बैंक तथा वित्ती संस्थाविरुद्ध आफूहरू अहिले पनि आन्दोलनमा रहेको भन्दै राज्यले बैंकको ब्याजदर एकल बिन्दुमा कायम गर्नुपर्ने माग गर्नुभयो । राष्ट्र बैंक र अर्थ मन्त्रालयका व्यक्तिहरूले व्यवसायीका समस्यालाई बेवास्ता गर्दै आएको भन्दै उनले मन्त्री श्रेष्ठको ध्यानाकर्षण गराउनुभयो ।
नेपाल व्यापार संघका अध्यक्ष हरि गौतमले अर्थतन्त्र चलायमान बनाउने व्यवसायीलाई राज्यले महत्व नदिएको भन्दै माग सम्बोधन नभए थप कडा आन्दोलन गर्न बाध्य हुने बताउनुभयो ।
सो अवसरमा संघले विभिन्न व्यक्तित्वलाई सम्मान गरेको छ । सम्मानित हुनेमा नेपाल राष्ट्रिय व्यवसायी महासंघका पूर्वअध्यक्ष नरेश कटुवाल, विउरत्न शाक्य, मोहनविच यादव र मनोजबाबु महर्जन रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच