काठमाडौं । बैंक तथा वित्तीय संस्थाविरुद्ध आन्दोलन गरेर अवाञ्छिथ गतिविधि फैलाउनेलाई रोक्न सरकारले देशभरका जिल्ला प्रशासन कार्यालयहरूलाई निर्देशन दिएको छ ।
बैंकिङ कसुर, ठगी, खराब ऋणमा संलग्नले आफूले लिएको कर्जा तिर्नुको साटो उल्टै वित्तीय संस्थालाई धम्क्याएका घटनाहरू बाहिरिएपछि शुक्रबार गृह मन्त्रालयले ७७ वटै जिल्ला प्रशासन र नेपाल प्रहरी प्रधान कार्यालयलाई परिपत्र गरेर आपराधिक गतिविधि रोक्न निर्देशन दिएको हो ।
गृह मन्त्रालयका प्रवक्ता जितेन्द्र बस्नेतका अनुसार बैंक, लघुवित्त, सहकारीलगायत संस्थामाथि निशाना बनाएर आपराधिक गतिविधि हुनसक्नेप्रति सावधान रहन र कसैले कानुन हातमा लिएका कडाइका साथ कारबाही गर्न प्रशासन र प्रहरीलाई निर्देशन दिइएको हो ।
शुक्रबार साँझ सबै जिल्ला प्रशासन र नेपाल प्रहरीलाई यससम्बन्धी विषय समेटेर परिपत्र गरिएको प्रवक्ता बस्नेतले बताउनुभएको छ ।
केही साताअघि व्यवसायी दुर्गा प्रसाईंले झापामा आयोजित सार्वजनिक कार्यक्रममा २० लाख रुपैयाँसम्मको ऋण मिनाह गर्नुपर्ने र त्यसो नगरिए बैंकरवित्तीय संस्थाका सञ्चालकरकर्मचारीलाई कालोमोसो दल्नेसम्म चेतावनी दिनुभएको थियो ।
उहाँको विवादास्पद र आपत्तिजनक अभिव्यक्तिपछि कानुन हातमा लिनसक्ने व्यक्ति तथा समूहमाथि प्रहरीले पनि निगरानी थालेको जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच