बारा । बारामा आइतबार भइरहेको उपनिर्वाचनमा असर पुर्याउन खोजेको आरोपमा प्रहरीले पाँच जनालाई नियन्त्रणमा लिएको छ ।
प्रहरीले देवताल गाउँपालिका-७ को मतदान केन्द्रबाट बाराका २ र रौतहटका ३ जना गरी ५ जनालाई नियन्त्रणमा लिएको बाराका प्रमुख जिल्ला अधिकारी नवराज सापकोटाले जानकारी गराउनुभयो ।
प्रहरीले जनता समाजवादीका स्थानीय नेता एवं जिल्ला समन्वय समितिका सदस्य रामसागर यादसहित ५ जनालाई नियन्त्रणमा लिएको हो ।
यादवले सक्कल मतपत्र सँगै नमुना मतपत्र समेत मतपेटिकामा खसाल्न खोजेपछि नियन्त्रणमा लिएको प्रजिअ सापकोटाले बताउनुभयो । अन्य चार जनालाई हो हल्ला गरेको आरोपमा प्रहरीले नियन्त्रणमा लिएको हो । नियन्त्रणमा लिइएका पाँचै जनालाई साँझ ५ बजेपछि रिहा गरिने प्रजिअ सापकोटाले जानकारी गराउनुभयो ।
बारामा अहिलेसम्म १८ प्रतिशत मत खसेको प्रमुख जिल्ला अधिकारीले जानकारी गराउनु भएको छ । जिल्लामा कुनै पनि ठाउँको मतदान केन्द्र कसैले कब्जा नगरेको प्रमुख जिल्ला अधिकारी सापकोटाले स्पष्ट पार्नु भएको छ । जनमत पार्टीका अध्यक्ष सिके राउतले जसपाका कार्यकर्ताले केही मतदान केन्द्र कब्जामा लिएको आरोप लगाउनु भएको थियो ।
बाराको निर्वाचन क्षेत्र २ मा विहान ७ बजे देखि मतदान शुरु भएको छ । मतदान जारी रहेको र अरु काहीँ पनि कुनै किसिमको अहिले सम्म कुनै अप्रिय घटना नघटेको प्रजिअ सापकोटाले बताउनुभयो । अहिलेसम्म मतदान शान्तिपूर्ण चलिरहेको उहाँले जानकारी दिनुभयाे ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच