काठमाडौं । नबिल बैंकले कोशी प्रदेशअन्तर्गतको तेह्रथुम जिल्लाको छथर गाउँपालिकाका स्थानीयलाई उद्यमशीलता विकास तालिम प्रदान गरेको छ । राष्ट्रिय युवा परिषद्, छथर गाउँपालिका र नबिल बैंकबीचको त्रिपक्षीय सम्झौताअनुसार एक साता लामो तालिम प्रदान गरिएको नबिल बैंकले जनाएको छ । वैशाख १० गतेदेखि १६ गतेसम्म सञ्चालित तालिमले स्थानीय युवा, महिला तथा विपन्न वर्गमा उद्यमशीलताका लागि सहयोग पुग्ने बताइएको छ । तालिममा ५७ स्थानीय उद्यमी सहभागी थिए ।
कार्यक्रममा छथर गाउँपालिकाका अध्यक्ष, प्रमुख प्रशासकीय अधिकृत, राष्ट्रिय युवा परिषद्का प्रशासकीय प्रमुखलगायत नबिल बैंक कोशी क्लष्टर प्रमुख तोपप्रसाद अगस्ती र छथर शाखा प्रमुख कृष्णकुमार साहको उपस्थिति रहेको थियो । नबिल बैंकका एसएमई, लघुवित्त तथा दिगो बैंकिङ प्रमुख निरजकुमार बस्नेत डनिलले उद्यमी बन्न चाहनेका लागि उद्यमशीलता क्षमता वृद्धि तथा वित्तीय साक्षरताका लागि तालिम सहयोगी हुने बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच