ए ! मान्छे हो
उल्टो हिँड्न थालेपछि
सूर्य लाग्दैमा उज्यालो भो नठान्नू
यस जिन्दगीमा अनेक छन् छेकबारहरू
भत्काउनु छ तिनकै धुरीहरू
सूर्य त एउटा चक्र हो
घरी उदाउँछ र घरी अस्ताउँछ
मूर्खहरू यसैलाई मुक्ति भन्छन्
तर यो निरीहता हो
उज्यालो हुन त
नासिनुपर्छ दुःखहरू
झिकिनुपर्छ जिन्दगीका खिलहरू
त्यसैले,
ए ! मान्छे हो
छोड भ्रममा बाँच्न
सिक उज्यालोको गीत गाउन
र, थाल भत्काउन
भ्रमका धुरीहरू ...!
- चेतनाथ धमला
सिद्धिचरण नगरपालिका–१०, बेतिनी ढुस्के, ओखलढुङ्गा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच