काठमाडौं । भारतको नयाँदिल्लीमा सम्पन्न अन्तर्राष्ट्रिय आमन्त्रण कराँते च्याम्पियनसिप २०२३ मा नेपाली खेलाडीले १० स्वर्णसहित १५ पदक जित्नुभएको छ । अखिल भारत सितेरियो कराँते महासंघको आयोजनामा भएको च्याम्पियनसिपमा नेपालबाट झापा, इलाम र काठमाडौंका खेलाडी सहभागी थिए ।
च्याम्पियनसिपमा झापाका खेलाडीले सात स्वर्ण, तीन रजत, इलामका खेलाडीले एक स्वर्ण र काठमाडौंकाले दुई स्वर्ण र दुई कांस्य पदक जितेको प्रमुख प्रशिक्षक मीना पाठकले जानकारी दिनुभयो ।
स्वर्ण पदक जित्नेहरूमा झापाका मोहित प्रसाईंले २० केजी र काता गरी दुई, अनिश न्यौपानेले २५ केजी र काता गरी दुई, डेनिशा न्यौपानेले ३५ केजी र काता गरी दुई र एलिजा घिमिरेले ६८ केजी तौलमा जित्नुभएको छ । त्यस्तै, झापाका सानोबाबु अधिकारीले ४० केजी, युनिशा न्यौपानेले ३० केजी र प्रियांका श्रेष्ठ ५० केजी तौलले रजत पदक जित्नुभयो ।
इलामका प्रतीक बस्नेतले ५० केजी तौल समूहमा स्वर्ण जित्नुभयो भने काठमाडौंका श्रीयास धितालले ३५ केजी र एनिश गिरीले ३० केजीले स्वर्ण जितेको पाठकले बताउनुभयो । काठमाडौंका श्रीयास धितालले र एनिश गिरीले कातामा कांस्य पदक जित्नुभयो । प्रतियोगितामा नेपालबाट सातजना रेफ्री, तीनजना अफिसियल र १० जना खेलाडी सहभागी थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच