जुम्ला । जुम्लाको तातोपानी गाउँपालिकाले पालिका भित्रका सबै नागरिकको सुरक्षाका लागि निःशुल्क घर बीमा गरिदिने भएको छ ।
गाउँपालिकाले आगामी आर्थिक वर्ष २०८०।८१ को नीति तथा कार्यक्रम बजेटमा यस्तो व्यवस्था गरेको गाउँपालिका अध्यक्ष नन्दप्रसाद चौलागाईले बताउनुभयो ।
तातोपानीका आठवटै वडाका ३३ सय घरधुरीका लागि निर्जीवन बीमा सुरक्षाको प्रत्याभुति दिनका लागि रु २० लाख बजेट नीति तथा कार्यक्रमबाट विनियोजन गरिएको गाउँपालिका अध्यक्ष चौलागाईले भन्नुभयो,“अविरल वर्षा र बाढी पहिरोका कारण प्रत्येक वर्ष नागरिक घरबार विहिन हुनु परेको छ ।”
स्थानीयको सुरक्षामा पहिलो जिम्मेवारी स्थानीय सरकार भएकाले यहाँका नागरिकको सुरक्षाका लागि पालिकाको पहिलो प्रथामिकता रहेको अध्यक्ष चौलागाईको भनाइ छ । नेपाल सरकारको पुर्ण स्वामित्वमा रहेको बीमा कम्पनीसंग सहकार्य गरेर यहाँका नागरिकका घर बीमा गरिने भएको छ । प्रत्येक घरलाई ५ लाख बराबारको बीमा गर्ने पालिकाका लागि परेको छ । विपत्तिले घरमा क्षती पु-याएपछि उक्त बीमाबाट राहत पुग्ने गाउँपालिका अध्यक्ष चौलागाईले बताउनुभयो ।
गतवर्ष असोजमा आएको अविरल वर्षाले तातोपानीमा धैरे क्षति गरेको थियो । अझैसम्म यहाँका खेतवारी र विद्यालय पुनः निर्माण हुन सकेका छैन । प्रकृतिक विपत्तिबाट हुने क्षतिलाई राहतमा महशुस गर्नेका लागि यो आर्थिक वर्षबाट उक्त कार्यक्रम लागु गरेको उपाध्यक्ष रेवती रावलले जानकारी दिनुभयो ।
नीति तथा कार्यक्रमबाटै पालिकाबाट संचालन हुने गौरवका बुहबर्षिय तथा ठुला प्रकृतिका योजनाहरुको दिगो व्यवस्थापन संरक्षण र मर्मत सम्भार गरि दिगोपना दिनका लागि ५ लाख योजना वीमाका लागि विनियोजन गरिएको प्रमुख प्रशासकीय अधिकृत तिर्थ बहादुर कठायतले बताउनुभयो ।
पशुपालनको क्षेत्रमा कृषकलाई थप प्रोत्साहन गर्न, पशुजन्य उत्पादनमा आत्मनिर्भर बन्नका लागि किसानमैत्री योजना नीति तथा कार्यक्रमा ल्याएको तातोपानी गाउँपालिकाले जनाएको छ । गर्भवती तथा सुत्केरीलाई अस्पतालसम्म आउजाउ गर्नका लागि निःशुल्क एम्बुलेन्स सेवा प्रदान गर्ने, स्वास्थ्य बीमा कार्यक्रमलाई व्यवस्थित बनाउँदै म स्वास्थ्य मेरो गाउँपालिका स्वास्थ्य कार्यक्रम अगाडी ल्याई पालिका भित्रका अति विपन्न तथा विपन्न नागरिकको स्वास्थ्य सेवामा पहुँच विस्तार गर्नका लागि आठवटै वडाका नागरिकका लागि दुई/दुई लाखका दरले निःशुल्क स्वास्थ्य बीमा कार्यक्रम संचालन गर्न १६ लाख विनियोजन गरिएको गाउँपालिका अध्यक्ष चौलागाईले जानकारी दिनुभयो ।
बजेट वक्तव्यमा सबै वडामा दीर्घरोगी र वृद्धहरूलाई घर–घरमै गएर निःशुल्क उपचार गर्ने तथा मधुमेह र उच्च रक्तचापको निःशुल्क परीक्षणका लागि आवश्यक बजेट विनियोजन गरेको गाउँपालिकाले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच