काठमाडौं । नेकपा एमालेले कोशी प्रदेशसभामा सत्ता पक्षबाट संविधान विरोधी क्रियाकलाप भएको बताएको छ । कोशी प्रदेश सरकार गठनका विषयमा असंवैधानिक भएको भन्दै एमाले उक्त सरकार तत्काल भंग गर्न माग समेत गरेको छ ।
शनिबार बसेको केन्द्रीय सचिवालय बैठक पछि एमाले उपमहासचिव प्रदीप ज्ञवालीले भन्नुभयो, ‘कोशी प्रदेशसभामा सत्ता पक्षबाट गरिएको संविधान विरोधी क्रियाकलाप यस शृङ्खलाको पछिल्लो कडीका रुपमा रहेको छ । ’
साथै एमालेले कोशीमा नयाँ सरकार गठनको संविधानसम्मत प्रक्रिया सुरु गर्न समेत आग्रह गरेको छ । कोशी प्रदेशमा सभामुखको समेत हस्ताक्षर गराई नेपाली कांग्रेस संसदीय दलका नेता उद्धव थापा मुख्यमन्त्री बन्नु भएको छ । सोही हस्ताक्षरसमेत गणना गरेर प्रदेश प्रमुख परशुराम खापुङले थापालाई मुख्यमन्त्री नियुक्त गर्नुभएको थियो ।
एमालेको केन्द्रीय सचिवालय बैठकले पनि सरकार गठनमा सभामुखको संलग्नता लोकतान्त्रिक र संसदीय अभ्यासमाथिकै प्रहार भएको एमालेले ठहर गरेको ज्ञवालीले बताउनु भयो ।
उहाँले भन्नुभयो, ‘सरकार गठन गर्ने वा हटाउने सम्बन्धमा सभामुख स्वयं संलग्न हुने कुरा त नेपालको संविधान, नियन्त्रण र सन्तुलनको विश्वव्यापी मान्यता, एवं हाम्रो आफ्नो लोकतान्त्रिक र संसदीय अभ्यासमाथिको नाङ्गो प्रहार हो ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच