काठमाडौं । महेन्द्रनारायण निधि मेमोरियल अस्पताल वसुन्धरामा डायोलिसिस सेवा आरम्भ हुने भएको छ । यस प्रयोजनका लागि महेन्द्रनारायण निधि स्मृति प्रतिष्ठानले निधि मेमोरियल अस्पताललाई हेमो डाइलिसिस् मेसिन दुई र एक्सरे मेसिन एक थान प्रदान गरेको छ ।
नेपाल सरकारबाट काठमाडौं महानगरपालिकामार्फत प्रतिष्ठानलाई प्राप्त अनुदानबाट ती सामग्रीहरू खरिद गरिएको प्रतिष्ठानका कोषाध्यक्ष कमलप्रसाद ढकालले बताउनु भएको छ ।
प्रतिष्ठानका कार्यवाहक अध्यक्ष शालीग्राम मिश्रका अनुसार अस्पताललाई सुविधा सम्पन्न बनाउन प्रतिष्ठानले भविष्यमा अरु थप सहयोग गर्दै जानेछ ।
अस्पताल सामग्री संस्थापक अध्यक्ष तथा अस्पताल सञ्चालक सदस्य भानुभक्त ढकाल र अस्पतालका कार्यकारी मेडिकल प्रमुख डा. किरणजंग कुँवरलाई एक संक्षिप्त कार्यक्रममा प्रतिष्ठानका अध्यक्ष पुरुषोत्तम दाहाल, कार्यवाहक अध्यक्ष शालीग्राम मिश्र, कोषाध्यक्ष कमलप्रसाद ढकाल, सहसचिव निनु कर्ण, सदस्य बालकृष्ण राई, शम्भु घिमिरे र विनोद अधिकारीले हस्तान्तरण गर्नुभएको थियो ।
अस्पतालका कार्यकारी मेडिकल प्रमुख डा. कुँवरले आजबाट नै डायोलिसिस सेवाआरम्भ गर्ने तयारी भएको जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच