काठमाडौं । राष्ट्रिय किसान सञ्जालले कालीमाटी तरकारी तथा फलफूल बजार विकास समितिको कार्यालयमा धर्ना दिएको छ । बिहीबार बिहान सञ्जालले बिनाप्रतिस्पर्धा भाडामा दिने सम्झौता खारेज गर्न, बजारको सटर र स्टल खुला प्रतिस्पर्धामार्फत् भाडामा लगाउन माग गर्दै धर्ना दिएको हो ।
धर्ना कार्यक्रममा सञ्चारकर्मीसँग कुरा गर्दै अखिल नेपाल किसान महासंघका अध्यक्ष गणेशचन्द्र तिमल्सिनाले कृषि क्षेत्रको आन्दोलन सुरु भएको बताउनुभयो । उहाँले सरकारले किसानको हक हितविरुद्धका नीतिहरू बनाउँदै गए आन्दोलन झनै चर्काउने चेतावनीसमेत दिनुभयो ।
अध्यक्ष तिमल्सिनाले भन्नुभयो, ‘कृषि क्षेत्रको आन्दोलन सुरु भएको छ, हामी सशक्त रूपमा अघि बढ्नेछौँ । कृषि क्षेत्रविपरीत नीति ल्याउन पाइँदैन । मुलुकका किसानलाई आन्दोलनमा उत्रिनुपर्ने अवस्थामा नलगियोस् ।’ सञ्जालले कालीमाटी तरकारी बजारका ५० प्रतिशत स्टल किसानका लागि छुट्याउन माग गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच