✍️ पदम दाहाल
निचोर्दैछ यहाँ कोही बिथोल्दैछ कतै यहाँ
नजानिँदो गरी भित्रै चिथोर्दैछ कि क्वै यहाँ ? ।१।
उचाल्दैछ कसैलाई थेचार्दै पनि गर्छ ऊ
भासैभास बनाएर भेट्ता खाडल भर्छ ऊ ।२।
बिसञ्चोपन ऐयामा खुसी भै ऊ खुसाउँछ
रमाएको बुझेदेखि रीसले मुर्मुराउँछ ।३।
दाह्रा किट्तछ हाँसे म रोए खुस्बु मनाउँछ
भीक्षा माग्न पुगेदेखिन् हाइसञ्चो जनाउँछ ।४।
उपाय जुक्ति ख्याएर छिर्के लाउन आउँछ
नपाए निहुँ नै केही तालाचाबी लगाउँछ ।५।
हेपाहा मतिको जैल्यै पिराहा पिर दिन्छ ऊ
चुलीमै छु बसेको म खुट्टा तान्छ खनिन्छ ऊ ।६।
पिरोलो विषको भाँडो खै कस्लाई सुनाउनू ?
सहँदै वीरको छोरो कतिन्जेल निदाउनू ? ।७।
बाँकी छैन कतै राप मुर्दाशान्ति छ गाउँ यो
पसेको छ यहाँ खाप गर्मी जर्जर ठाउँ भो ।८।
उठेनन् किन मान्छेका जुनी दिन बिते पनि ?
फिरेनन् दिन शान्तिका दुखेकै छौं जता पनि ? ।९।
लोकन्थली, भक्तपुर ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच