ताइवान । चीन र ताइवानबीचको द्वन्द्व चर्किन सक्ने देखिएको छ ।
चीनले आफ्नो विस्तारवादी नीतिमा ताइवानमाथि लगातार दबाब दिइरहेको छ। मिडिया रिपोर्टका अनुसार ताइवानको रक्षा मन्त्रालयले सोमबार र मंगलबारको बीचमा ताइवान वरपर ११ चिनियाँ सैन्य विमान र पाँच युद्धपोतहरू ट्र्याक गरेको थियो।
सोमबारदेखि मंगलबार सम्म चिनियाँ सैन्य विमान र जहाजलाई ट्र्याक गरिएको प्रतिवेदनमा उल्लेख छ।
ताइवानको रक्षा मन्त्रालयले मंगलबार भन्यो कि ११ चिनियाँ सैन्य विमान मध्ये एउटा शानक्सी वाई ८ एन्टी सबमरिन युद्ध विमान, ताइवानको वायु रक्षा पहिचान क्षेत्र (एडीआईजेड) बाट दक्षिण पश्चिममा उडेको छ। यद्यपि, यस अवधिमा कुनै पनि चिनियाँ सैन्य विमानले ताइवान स्ट्रेट केन्द्र रेखा पार गरेको भने छैनन्।
ताइवानले चिनियाँ सैन्य आन्दोलनको निगरानी गर्न जहाज, विमान र भूमिमा आधारित मिसाइल प्रणाली पठाएर प्रतिक्रिया दिएको ताइवानी मिडियाहरुले जनाएका छन् ।
चीनले यो महिना अहिलेसम्म ८३ सैन्य विमान उडाएको छ र ताइवान वरिपरि ५७ जहाज पठाएको छ। साथै गत सेप्टेम्बर २०२० देखि चीनले ताइवान वरिपरि तैनाथ सैन्य विमान र जहाजहरूको संख्या बढाएर ग्रे जोन रणनीतिको प्रयोग बढाएको छ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच