नवलपरासी । पश्चिम नवलपरासीको बर्दघाट नगरपालिका ९ र ८ ले गैरकानुनी रूपमा सेवाग्राहीसँग रकम असुल्ने गरेका छन् । पूर्वनिर्मित घर तथा भवन अभिलेखीकरण गर्न निवेदन लिने क्रममा वडा ८ र ९ ले प्रतिनिवेदन दस्तुरबापत तीन सय १० रुपैयाँ लिएका हुन् । बर्दघाट नगरपालिकामा घर तथा भवनको अभिलेखीकरणको निवेदन वडाबाट संकलन गर्ने क्रममा ८ र ९ वडाले निवेदन दस्तुर र अन्य शुल्कबापत शुल्क लिएका हुन् । वडा ९ का अध्यक्ष चन्द्रकान्त चापागाईंले सेवाग्राहीबाट अतिरिक्त शुल्क लिएर वडा सचिवले गल्ती गरेको बताउनुभयो ।
बर्दघाट नगरका प्रमुख प्रशासकीय अधिकृत कृष्णप्रसाद सापकोटाले अभिलेखीकरणको निवेदन लिँदा शुल्क लिने निर्णय नभएको बताउनुभयो । उहाँ भन्नुहुन्छ, ‘निवेदन लिँदा वडा कार्यालयले राजस्व लिन मिल्दैन । गैरकानुनी हो । नबुझे राजस्व शाखासँग परामर्श लिनुपथ्र्यो ।’
बर्दघाट नगरपालिका ८ र ९ की वडा सचिव हिमाकुमारी वनले निवेदन लिँदा राजस्व लिएको बताउनुभयो । उहाँले भन्नुभयो, ‘निवेदनको शुल्क लिँदा गल्ती भयो । पछि वडाले दिने सिफारिसबाट मिलान गरेर मिलाउँछौँ ।’ १० रुपैयाँ निवेदन दस्तुर र तीन सय रुपैयाँ अन्य दस्तुर गरी तीन सय १० रुपैयाँका दरले वडा ९ का ९६ र ८ का १६ जना सेवाग्राहीसँग रकम लिएको हो । पूर्वनिर्मित घर तथा भवनको अभिलेखीकरण नगरले साउन ७ देखि भदौ ९ गतेसम्म वडा कार्यालयबाट संकलन गरिने जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच