काठमाडौं । अख्तियार दूरुपयोग अनुसन्धान आयोगले काठमाडौंको कागेश्वरी मनहरा नगरपालिका-१ स्थित सिद्धि गणेश माध्यमिक विद्यालयका प्रधानाध्यापक बुद्धिविलास रिजाल र विद्यालय व्यवस्थापन समिति अध्यक्ष रामकुमार थापाविरुद्ध विशेष अदालत काठमाडौंमा मुद्दा दायर गरेको छ ।
उनीहरुमाथि शिक्षक छनोट प्रक्रियामा घुस लिएको आरोपमा मुद्दा दायर गरिएको प्रवक्ता भोला दाहालले बताउनु भएकाे छ ।
यसअघि आयोगको टोलीले शिक्षक छनोट प्रक्रियामा घुस लिँदै गरेको अवस्थामा प्रधानाध्यापक रिजाल र व्यवस्थापन समिति अध्यक्ष थापालाई नियन्त्रणमा लिएको थियो ।
शिक्षक छनोट प्रक्रियामा उनीहरुले सेवाग्राहीबाट १६ हजार रुपैयाँ घुस लिएको पुष्टि हुन आएको अख्तियारले जनाएको छ ।
‘भ्रष्टाचार निवारण ऐन, २०५९ को दफा ३ को उपदफा (१) को देहाय (क) बमोजिम कैद सजाय गरी सोही ऐनको दफा ३ को उपदफा (१) अनुसार बिगो बमोजिम जरिवाना सजायसमेत हुन मागदाबी लिई आज विशेष अदालत, काठमाडौंमा आरोप–पत्र दायर गरिएको छ,’ प्रवक्ता दाहालले जारी गरेको विज्ञप्तिमा भनिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच