पाल्पा । पाल्पाको जोर्तेमा पहिरोले स्कार्पियो च्यापिँदा मृत्यु भएका तीनै जनाको पहिचान खुलेको छ ।
आज विहान तानसेन–तम्घास सहायक राजमार्गको पाल्पाको जोर्तेमा ढुङ्गासहित खसेको पहिरोले रुरु रेसुङ्गा यातायात प्रा.लि.को लु १ ज ४६०० नम्वरको स्कार्पियो गाडी च्यापिदा ३ जनाको घटनास्थलमै मृत्यु भएको थियो ।
तीनै जनाको पहिचान खुलेको जिल्ला प्रहरी कार्यालय पाल्पाले जनाएको छ । मृत्यु हुनेमा रेसुङा नगरपालिका –७ कि ४५ वर्षीया मनकला चुदारा, पाल्पाका प्रहरी सहायक हवल्दार ४२ वर्षीय यम बहादुर बोहोरा र पोखरा महानगरपालिका – १५ का ३१ वर्षिय विनोद तिमिल्सेना रहेका छन् ।
दुर्घटनामा ८ जना घाइते रहेको जिल्ला प्रहरी कार्यालय पाल्पाका प्रमुख एसपी हेरम्व शर्माले जानकारी दिनुभयो । तम्घासबाट बुटवलतर्फ जाँदै गरेको स्कार्पियो विहान करीव सवा ८ बजेको समयमा पाल्पाको जोर्तेको पहिरोमा परेको हो ।
प्रहरी र स्थानीयवासीले तत्काल ८ जना घाईतेलाई थप उपचारको लागि तानसेनस्थित मिसन अस्पताल तर्फ पठाएको जिल्ला प्रहरी कार्यालय पाल्पाका सूचना अधिकारी विरेन्द्र थापाले जानकारी दिनुभयो ।
घटनाको थप विवरण आउन बाँकी रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच