काठमाडौं । नेपाली टायर उत्पादक कम्पनी ग्रिन टायर प्रालिले ट्र्याक्टर ट्रली तथा ट्रलीका लागि प्रयोग हुने ९.००-२० र १०.००-२० साइजका शेर्पा सारथी टिटी टायर बजारमा ल्याएको छ । नाडा अटो शो २०२३ का अवसरमा एक कार्यक्रमबीच अर्थमन्त्री डा. प्रकाशशरण महतले उक्त टायर सार्वजनिक गर्नुभएको हो ।
विशेषगरी ट्रली तथा ट्र्याक्टर ट्रलीमा प्रयोग हुने ९.००-२० र १०.००-२० का टायर मोटो गोटी तथा लाइन गोटीमा १८ प्लाई रेटिङमा उपलब्ध रहेको कम्पनीले जनाएको छ ।
उच्च गुणस्तरीय हेभी ड्युटी ती टायरमा कट रेसिस्टेन्स क्षमता भएकाले नेपाली माटो तथा बाटोका लागि उपयुक्त भएको कम्पनीका निर्देशक विकास सिंघानियाले दाबी गर्नुभयो ।
निजी क्षेत्रको पहिलो टायर उद्योग ग्रिन टायर प्रालिले मोटरसाइकल, स्कुटर, अटो, टेम्पु तथा ट्र्याक्टरका टायर उत्पादन गर्दै आएको थियो । हाल कम्पनीले वार्षिक एक लाख थान टायर उत्पादन गर्दै आएको र सयजनालाई रोजगारी प्रदान गर्दै आएको जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच