![केयु परिसरमा बिवाइडीको चार्जिङ स्टेसन](https://ehimalayatimes.com/wp-content/uploads/2024/09/byd-ku-chargi.jpg)
नवलपरासी । पश्चिम नवलपरासीमा प्रहरीले भन्सार छली गरेर ल्याउँदै गरेको करिब १३ लाखको बराबर अवैध कपडा बरामद गरेको छ । ईलाका प्रहरी कार्यालय महेशपुरले सरावल गाउँपालिका वडा नं. ७ को बुलन्दपुर बाट अवैध रुपमा भन्सार छली ल्याएको विभिन्न कपडाहरू बरामद गरेको हो ।
आज बिहान ५ बजेको समयमा गोप्य सूचनाको आधारमा प्रहरीले १२ लाख ७० हजार ४ सय बराबरको अवैध कपडा बरामद गरेको जिल्ला प्रहरी कार्यालय नवलपरासीका सूचना अधिकारी एवं प्रहरी नायव उपरीक्षक रेशम बोहराले जानकारी दिनुभयो ।
भारतबाट कर छली ल्याएको उक्त कपडामा जयपुरी साडी, जयपुरी सुट, रेडिमेट बलाउज, जेन्स कुर्ती, लेडिज सुट, थान कपडा, रेडिमेट टप्स लगायतको कपडाहरू रहेको प्रहरीले बताएको छ।
ईलाका प्रहरी कार्यालय महेशपुर इन्चार्ज प्रहरी निरीक्षक फल बहादुर तमाङ्गको कमाण्डमा खटिएको टोलीलाई तस्करहरूले देखेपछि कपडा छोडेर भागेपछि उक्त अवैध कपडाहरूलाई प्रहरीले नियन्त्रणमा लिई आवश्यक कारवाहीको लागि महेशपुर भन्सार कार्यालयमा पठाइएको जिल्ला प्रहरी कार्यालय नवलपरासीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच