बारा । मदिरा कुनै पनि रुपमा स्वास्थ्यको लागि ठीक होइन । यो सबैलाई थाहा भएको कुरा हो । तर पनि जानी जानी र अन्जानमा समेत यसको प्रयोग बढ्दै गएको छ । साथीको लहै लहैमा वा पार्टीको लहै लहैमा परेर मानिसहरु कुलतमा फस्दै आएको अवस्था छ । मदिरा अहिले फैसन भइसकेको छ । सार्वजनिक रुपमै मदिराको प्रचार प्रसार र विक्री वितरण भएपनि सरकार र स्थानीय प्रशासन यसप्रति मौन देखिएका छन् । जसले गर्दा मानिसहरु यस्ता कुलतमा फसेर आफनो मात्र होइन पुरै परिवारको भविष्य बर्बाद गर्ने गरेका छन् । तर कलैया उपमहानगरपालिका १७ ब्रहमपुरी टोलमा मदिरा विक्री वितरण तथा सेवनमा रोक लगाइएको छ ।
गाउँमा बसेको सर्वदलिय बैठकले मदिरा विक्री वितरण तथा सेवनमा रोक लगाइएको कलैया उपमहानगरपालिका १७ का वडाध्यक्ष दिपेन्द्र महतोले बताउनुभयो ।
लामो समय देखि मदिरा कै कारण गाउँघरमा झै झगडा आपसी द्वन्द फैलिदै आएको थियो, वडाध्यक्ष महतोले भन्नुभयो,‘ गाउँको वातावरण दिनानुदिन विग्रिदै गएको थियो । हाम्रो वडामा पहिला मदिरा पसल थिएन । त्यसैले यहाका मानिसहरु मदिरा सेवन गर्दैन्थे । तर गाउँमा मदिरा विक्री वितरण हुन थालेपछि गाउँका बच्चा देखि बुढापाका समेत यसबाट प्रभावित हुँदै गए । घर घरमा यसको कुप्रभाव बढदै गयो । अहिले गाउँमा र गाउँवरिपरि गरी आधा दर्जन भन्दा बढी मदिरा पसल संचालमा रहेको उहाँले जानकारी दिनुभयो ।
म सानै देखि बूढो भए तर हाम्रो गाउँमा मदिरा पसलहरु संचालनमा आएको थिएन कलैया उपमहानगरपालिका १७ का स्थानीय राजेन्द्र महतोले भन्नुभयो,‘अहिले गाउँ वरिपरि मात्र होइन गाउँ भित्र पनि मदिरा पसल संचालन हुँदा गाउँका बच्चा देखि बूढासम्म यसको शिकार हुँदै गएका छन् । हामीले मदिरा पसल बन्द गराउन पटक पटक पहल गर्यौ तर सकिएन । यही मदिराको कारण गाउँमा दिनहुँ झै झगडा बढने गरेको छ । सामाजिक सदभाव विथोलिदै गएको छ । प्रहरी प्रशासनलाई यसको बारेमा जानकारी गराउँदा समेत कुनै कारवाही नभएको उहाँले बताउनुभयो ।
काही कतैबाट यसको समाधान नभएपछि हामी गाउँघरका सबै पार्टीका नेता कार्यकर्ता तथा स्थानीय भद्र भलादमीहरुको पहलमा गाउँमा मदिरा निषेध गर्ने निर्णय गरिएको उहाँले बताउनुभयो । खाजा पसल संचालन गर्न पाइन्छ तर मदिरा विक्री वितरण गर्न नपाइने गरि सर्वदलिय समितिबाट निर्णय गरिएको उहाँले बताउनुभयो ।
यसमा प्रहरी प्रशासन मात्र होइन स्थानीय निकाय समेत उतिकै जिम्मेवार रहेको स्थानीय तथा पूर्व शिक्षक आयोग समिति सदस्य योगेन्द्र प्रसाद राउतले बताउनुभयो ।
स्थानीय निकायले समेत अनुगमन नगर्दा छाडा रुपमै मदिरा पसलहरु संचालन हुँदै आएका छन्, उहाँले भन्नुभयो,‘अनुमति नै नलिई मदिरा पसल संचालन गर्नेहरुको बारामा ठूलै जमात रहेको छ । अहिले बाराको हरेक कुना काप्चामा मदिरा पसलहरु संचालनमा रहेका छन् । उनीहरुसँग नत पसल संचालनको कुनै कागजात छन नत कर कार्यालयमा नै दर्ता रहेको छ । यस्तो अवस्थामा मदिरा पसल संचालन गर्नेहरु डबल कमाई गरिरहेका छन् । एकातिर सरकारलाई ठग्ने गरेका छन् भने अर्को तर्फ स्थानीय स्तरमा उत्पादित क्वालिटी नै नभएको मदिरा विक्री वितरण खुलेयाम रुपमा हुँदै आएको उहाँले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच