काठमाडौं । अमेरिकाको बोस्टन राज्यमा बसोबास गर्दै आउनुभएकी गीतकार, कवि, साहित्यकार तथा चलचित्र निर्मात्री अनु शाहलाई एकै दिन दुई फरक कार्यक्रममा सम्मान अर्पण गरिएको छ । डायस्पोरामा रहेर नेपाली कला साहित्य, गीतसंगीत तथा चलचित्रको उत्थानका लागि विशेष योगदान पु¥याएको भन्दै उहाँलाई सम्मान अर्पण गरिएको हो ।
पावर इन्टरनेसनल मिडिया नेपाल (पिम नेपाल) को चौथो वर्ष पूरा गरी पाँचौँ वर्ष प्रवेश गरेको उपलक्ष्यमा पिम नेपाल ‘साहित्य सम्मान-२०८०’ प्रदान गरिएको थियो । त्यसैगरी म्युजिक खबर पाक्षिकको सातौंँ वार्षिकोत्सव एवं स्रष्टा सम्मान कार्यक्रमका अवसरमा म्युजिक खबर साहित्य सम्मान-२०८० मार्फत सम्मानित गरिएको हो ।
विद्यालय जीवनदेखि नै राष्ट्रिय नाचघरमा नाटक प्रस्तुत गर्ने, रेडियो नेपाल र रंगमञ्चमा अभिनय गर्न सुरु गर्नुभएकी शाह कुनै समय एक कुशल मोडल र पत्रकारका रूपमा समेत रहनुभएको थियो । उहाँले अमेरिकाको नर्थ इस्टर्न विश्वविद्यालयबाट बालमनोविज्ञानमा स्नातकोत्तर गर्नुभएको छ ।
शाहका दुई सयभन्दा बढी गीत रेकर्ड भएका छन् भने दुई दर्जन गीतका भिडियोसमेत आफैंले निर्माण गर्नुभएको छ । उहाँको कविता संग्रह छिट्टै पाठकमाझ आउँदै छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच