काठमाडौं । सौन्दर्य प्रतियोगितामार्फत् मौलिक परम्परा, संस्कार, कला संस्कृति, इतिहासलाई संवद्र्धन र प्रवद्र्धनमा योगदान दिने उद्देश्यसहित आयोजना हुँदै आएको अन्तर्राष्ट्रिय प्रतियोगिता हेरिटेज प्याजेन्टस् आइतबारबाट औपचारिक सुरु भएको छ । थाइल्याण्डको राजधानी बैंकक शहरमा नेपाललगायत विश्वका दुई दर्जन बढी मुलुकका करिब पचास सहभागीको सहभागितासँगै सुरु भएको प्रतियोगितामा सहभागीलाई उनीहरूको देशको पहिचान दिने अफिसियल स्यास वितरणसँंगै प्रतियोगिताले गति लिएको हो ।
अफिसियल स्यासको वितरण प्रतियोगिताका आयोजक संस्था इप्लानेट सिंगापुर पिटिई लिमिटेडका सिंगापुरका अध्यक्ष सन्तोष सापकोटा र इन्टरनेसनल निर्देशक सुसान कोहले गर्नुभएको थियो । प्रतियोगिताअन्तर्गत इभिनिङ गाउन, नेसनल कस्ट्युम पहिरनको फोटो सुटसमेत भइसकेको छ ।
यसैगरी सहभागीबीच मित्रता, एकअर्काको संस्कृति, परम्परालाई बुझ्न महत्वपूर्ण भूमिका निर्वाह गर्ने कल्चुलरल उपहार आदान प्रदान गर्ने कार्यक्रम भएको छ । प्रतियोगिताअन्तर्गत वातावरणीय महत्वलाई उजागर गर्ने कार्यशाला पनि सञ्चालन गरिएको छ । जसअन्तर्गत अर्गानिक मलको उपयोगिता र उत्पदान बारे कार्यशाला सञ्चालन गरिएको थियो । कार्यशाला मिसेस् हेरिटेज इन्टरनेसनल २०२२ फोन्टिप सृवान्र्युले गर्नुभएको थियो । यसबाहेक कल्चुरल टेबल डिस्प्ले, प्रेस प्रेजेन्टेसन, थाइल्याण्डको ऐतिहासिक शहर आयुथयाको भ्रमणलगायत गतिविधि सञ्चालन भइसकेको छ ।
इप्लानेट सिंगापुर पिटिई लिमिटेडको आयोजनामा यही नोभेम्बर २५ तारिखका दिन थाइल्याण्डको बैंकक शहरस्थित ईएससि पार्क होटलमा प्रतियोगिताको फाइनल प्रतिस्पर्धा सञ्चालन हुँदैछ । प्रतियोगितामा नेपाललगायत विश्वका २२ मुलुकका करिब चार दर्जन प्रतियोगि विभिन्न विधामा प्रतिस्पर्धा गरिरहेका छन् ।
प्रतियोगीतामा नेपालबाट ‘मिस एण्ड मिसेस् हेरिटेज इन्टरनेसनल नेपाल-२०२३’ विजेता आजमा महर्जन र लीली महर्जन सहभागी हुनुहुन्छ । प्रतियोगिताको कोरियोग्राफी र स्टेज प्रस्तुतीकरण जिम्मेवारी नेपाल फेसन कोरियोग्रफार रोजिन शाक्य र मलेसियाका स्टेज कोरियोग्राफर वेस्ली शले सम्हाल्नु भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच