तम्घास । नेपाली कांग्रेसका महामन्त्री गगनकुमार थापाले राजावादीलाई जुँवाको खालबाट च्याखे नथाप्न चेतावनी दिनुभएको छ।
शनिबार नेपाली कांग्रेस गुल्मीको दोस्रो जिल्ला सम्मेलनको उद्घाटन सत्रलाई सम्बोधन गर्दै थापाले राजावादीलाई जुँवाको खालबाट नभएर सिधै आउन चेतावनी दिनुभएको छ।
पूर्व राजासँग आँट भए निर्वाचनको माध्यमबाट बहुमत ल्याएर आउन र उनीसँग कांग्रेस एक्लै भिड्न तयार रहेको उहाँले बताउनु भयो ।
राजा फर्काउनुपर्छ भनेर कसैले भन्छ भने कांग्रेस कार्यकर्ताले त्यसको प्रतिवाद गर्नुपर्ने उहाँकाे भनाइ थियाे ।
उहाँले भन्नुभयो –नेपालको राजतन्त्र हामीले फालेको होइन,आफ्नै कर्मले गएको हो । माओवादीले हाम्रा साथीहरु काटिरहँदा माओवादीले कांग्रेस तह लगाउँछ भनेर सेना परिचालन गर्न नदिने यहि राजा होइन ? राजा फर्काउनुपर्छ भनेर कोही आउँछ भने कांग्रेसका प्रत्येक साथीले भन्न सक्नुपर्छ च्याँखे दाउको खालमा नपस । राजालाई पनि म भन्न चाहान्छु,महाराज च्याँखे दाउमा होइन सिधै खालमा आऊ । बकाइदा भिड्न तयार छ कांग्रेस । दल खोल, चुनाव लडेर दुई तिहाई ल्याऊ संविधान परिवर्तन गर ।
नेपाली कांग्रेसले शान्ति र संविधानको अगुवाइ गरेको बताउँदै उहाँले कांग्रेसलाई पछाडि हट्ने छुट नभएको बताउनुभयो। वर्तमान व्यवस्था उल्ट्याउने कसैले सपना देखेको भए त्यो सम्भावना नरहेको उहाँले बताउनुभयो।
साथै उहाँले सनातन धर्म संस्कृतिको रक्षा गर्न कांग्रेस सक्षम रहेको समेत बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच