काठमाडौं । नेपाल सुपर लिगको दोस्रो संस्करणअन्तर्गत शनिबार भएको खेलमा पोखरा थन्डर्सले एफसी चितवनमाथि १-० को जित हात पारेको छ । पोखराका लागि विदेशी खेलाडी मोसेस ट्वमले खेलको एकमात्र गोल गर्नुभयो । आठौँ मिनेटमा चितवनका टोरिक जेब्रिनको पासमा रफिक अमिनुले प्राप्त गर्नुभएको अवसर सदुपयोग गर्न सक्नुभएन ।
नवौँ मिनेटमा पोखराका आयुष घलानको क्रसमा स्टेफन कोजोले गर्नुभएको हेडर पनि बाहिरियो । १६औँ मिनेटमा आयुषको अर्को प्रहार पोस्ट नजिकैबाट बाहिरियो । पोखराका मोसेसको प्रहार चितवनका गोलरक्षक विशाल श्रेष्ठले जोगाउनुभयो ।
३१औँ मिनेटमा मोसेसको प्रहार पुनः विशालले लाइन बाहिर आएर राम्रो बचाउ गर्नुभयो । ५०औँ मिनेटमा आयुषको प्रहार चितवनका डिफेन्डर युसुफ मुबारकले ब्लक गर्नुभयो । ५८औँ मिनेटमा अफ्रिए अक्वाहको क्रसमा रफिक अमिनुको हेडरले पोस्टको दिशा लिन सकेन ।
६०औँ मिनेटमा पोखराका आइकोनिक खेलाडी दिनेश राजवंशीले बललाई जाली चुमाए पनि त्यसलाई असिस्टेन्ट रेफ्रीले अफसाइड दिँदै गोलको मान्यता दिनुभएन । ६७औँ मिनेटमा आयुष घलानको क्रसमा मोससको हेडर विशालले बचाउनुभयो । ७२औँ मिनेटमा पोखरालाई स्टेफन अन्नोरको क्रसमा मोसेसले नै गोल गर्दै खेलमा पोखरालाई अग्रता दिलाउनुभयो । ७८औँ मिनेटमा जो आइडुले लामो दूरीबाट गरेको प्रहारलाई विशालले उत्कृष्ट बचाउ गर्नुभयो ।
यस्तै त्यसअघि भएको खेलमा काठमाडौं रेजर्सले नवप्रवेशी टोली स्पोर्टिङ इलाम एफसीमाथि १-० को जित हात पारेको छ । काठमाडौंका लागि राजीव लोप्चनले खेलको एकमात्र गोल गर्नुभयो । खेलको ५१औँ मिनेटमा शोखरुखको कर्नर किकमा राजीव लोप्चनले ब्याकहिल गर्न खोज्दा इलामका गोलरक्षक विकेशले समात्न नसकेपछि बल राजीवकै खुट्टामा पुगेको थियो । उक्त बललाई उहाँलाई जाली चुमाउनुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच