काठमाडौं । नेपाली गायिका मेनुका पौडेलले प्रतिष्ठित गायन प्रतियोगिता इण्डियन आइडलमा एकपछि अर्को धमाकेदार प्रस्तुति दिनुभएको छ । दृष्टिविहीन पौडेलले आफ्ना प्रस्तुतिले आइडलमा धमाका मच्चाउनुभएको हो । उहाँले आफ्ना दमदार प्रस्तुतिमार्फत् निर्णायकहरूको मन जित्दै आउनुभएको छ भने चौतर्फी प्रशंसा बटुल्न पनि सफल हुनुभएको छ ।
यसैबीच रनवीर कपुर र रस्मिका मन्दना विशेष गेष्टका रूपमा पुग्नुभएको कार्यक्रममा उहाँले धमाका मच्चाउनुभएको छ । यो शोमा रणवीरले उहाँको प्रस्तुति देखेर मेनुकाको खुट्टासमेत ढोग्नुभएको थियो । मेनुकाले ‘अगर तुम साथ हो’ भन्ने गीत गाउनुभएको थियो । गीत गाइसकेपछि रणवीर र रस्मिता स्टेजमा पुगेर भावुक बन्नुभयो । रणवीरले मेनुकालाई भन्नुभयो, ‘मेनुकाजी मेरा नाम रणवीर हे मे आप से आशीर्वाद लिन चाता हुँ ।’ उहाँले मेनुकालाई देवी नम्बर २ को साक्षात् रूप भएको भन्दै तारिफ गर्नुभयो । उहाँले ‘संगीतकी देवी’ भन्दै प्रशंसा गर्नुभएको थियो । रणवीरले मेनुकाका लागि भोट पनि माग्नुभएको थियो । आगामी चलचित्र ‘एनिमल’को प्रवद्र्धनका लागि रणवीर र अभिनेत्री रस्मिका इण्डियन आइडलमा पुग्नुभएको थियो ।
मेनुकालाई आइडलको मञ्चमै चलचित्रको अफर पनि आएको छ । यसअघि भएको दीपावली विशेष एपिसोडमा एक गेस्टले उहाँलाई चलचित्रमा अभिनय र गायनको प्रस्ताव राखेका थिए । इण्डियन आइडलको मञ्चमै चलचित्रको प्रस्ताव आएपछि मेनुकालाई दीपावलीको राम्रो उपहार मिलेको भन्दै प्रशंसा र चर्चा पनि भएको थियो । कतिपय भारतीय सञ्चारमाध्यमले लता मंगेशकरको आवाजसँग मेनुकाको आवाजलाई पनि तुलना गरिरहेका छन् ।
झापा हल्दिबारीकी मेनुकाले २०७४ सालमा नेपाल आइडलमा प्रतिस्पर्धा गर्नुभएको थियो । उहाँले २०७५ सालमा भारतको रियालिटी शो ‘सारेगमप’मा समेत प्रतिस्पर्धा गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच