मुम्बई । रणवीर कपूरको चलचित्र ‘एनिमल’ रिलिज हुनुअघि नै निकै चर्चा थियो । रणवीरलाई पहिलो पटक विस्फोटक ग्याङ्स्टर अवतारमा देख्न पाउँदा उहाँका फ्यानमा निकै उत्साह थियो । टिजर-ट्रेलरबाटै चलचित्रको वातावरण तयार भइसकेको र सर्वसाधारण ‘एनिमल’का लागि तयार रहेको निश्चित भएको थियो । शुक्रबारबाट सिनेमाघरमा आएकोे यो चलचित्रले पहिलो दिनदेखि नै हलमा धुम मच्चाउन थालेको छ ।
निर्देशक सन्दीप रेड्डी वांगाको ‘एनिमल’ ले रणबीर कपूरलाई यस्तो शैलीमा पर्दामा ल्याएको छ जुन अहिलेसम्म कुनै चलचित्रले गर्न सकेको छैन । यो उत्साहका साथ जनताको मुड यति तयार थियो कि चलचित्रको अग्रिम बुकिङ सुरु हुनेबित्तिकै टिकटको बिक्री धमाधम हुन थाल्यो ।
चलचित्रले अग्रिम बुकिङमार्फत ३४ करोडभन्दा बढी कमाएको थियो । ‘एनिमल’ले ठूलो ओपनिङ पाउने पक्का थियो चलचित्रले सोचेभन्दा ठूलो ओपनिङ पाएको छ । ट्रेड रिपोर्टका अनुसार पहिलो दिन ‘एनिमल’ले ६० करोडभन्दा बढी कलेक्सन गरेको देखिन्छ ।
सक्निल्कका अनुसार ‘एनिमल’ ले पहिलो दिन करिब ६१ करोड रुपैयाँ कमाएको छ । हिन्दी संस्करणबाट मात्र चलचित्रको कलेक्सन ५० करोडभन्दा बढी हुने अनुमान गरिएको छ । तेलुगु उद्योगमा डेब्यु गर्नुभएका निर्देशक सन्दीप रेड्डी वांगाको चलचित्रले घरेलु बजारबाट पनि फाइदा उठाएको छ र तेलुगु संस्करणले १० करोड भारुको दायरामा कलेक्सन गरेको छ । फाइनल कलेक्सन सार्वजनिक भएपछि तथ्यांकमा केही फरक हुनसक्छ तर चलचित्रको ओपनिङ कलेक्सन भने झण्डै उही दायरामा रहनेछ ।
रणवीरको ‘एनिमल’ ले यो वर्षको दोस्रो ठूलो ओपनिङ दर्ता गरेको छ । यसले शाहरूख खानको चलचित्र ‘पठान’लाई पनि पछाडि छोडेको छ । शाहरूख खानको कमब्याक चलचित्र ‘पठान’ ले पहिलो दिन ५७ करोड कमाएको थियो ।
भारतमा ‘एनिमल’ को कुल नेट कलेक्सन सजिलै योभन्दा बढी हुन गइरहेको छ । यो रणवीरको करिअरको सबैभन्दा ठूलो ओपनिङ कलेक्सन हो । यसअघि रणवीरको सबैभन्दा ठूलो ओपनिङ फिल्म ‘ब्रहृमास्त्र’ थियो, जसले पहिलो दिन ३६ करोड रुपैयाँ कमाएको थियो ।
अभिनेत्री आलिया भट्टले चलचित्र ‘एनिमल’ खतरनाक भएका प्रतिक्रिया दिनुभएको छ । उहाँले चलचित्रको प्रिमियरमा यस्तो प्रतिक्रिया दिनुभएको हो । रणवीर चलचित्रको भूमिकाकै टिसर्टमा सहभागी हुनुभएको थियो । जहाँ अभिनेत्री रश्मिका मन्दाना भने ब्राउन लेदर ड्रेसमा सहभागी हुनुभएको थियो । चलचित्रमा रणवीर र रश्मिकाको अलवा बबी देओल र अनिल कपुरको पनि अभिनय छ । बबी देओल पनि चलचित्र हेर्न सपरिवार सहभागी हुनुभएको थियो । चलचित्रमा बबीले भिलेनको भूमिका निर्वाह गर्नुभएको छ । चलचित्र हेर्न बबीको पत्नी तानान्य, छोरा आर्यमान र भतिज करणसमेत सहभागी हुनुभएको थियो । शोमा अनिल कपुर पनि सहभागी हुनुभएको थियो ।
‘एनिमल’ को कथावस्तु बाबु र छोराबीचको ‘प्रेम र घृणा’ ले भरिएको छ । चलचित्रमा अनिलले रणवीरको बुबाको भूमिका निर्वाह गर्नुभएको छ । चलचित्र हिन्दी, तेलुगु, तमिल, कन्नड र मलयालम भाषामा सिनेमाघरमा आएको हो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच