लण्डन । युइएफए युरो कप २०२४ का लागि समूह विभाजन सम्पन्न भएको छ । जर्मनीको हृयामवर्ग शहरमा भएको ड्र समारोहबीच अर्को वर्ष हुने प्रतियोगिताको समूह विभाजन सम्पन्न भएको हो । २४ टोलीलाई छनोटको प्रदर्शनका आधारमा चारवटा पटमा विभाजन गरिएको थियो । हरेक पटबाट एक टोली गरी चार टोली एक समूहमा रहनेछन् ।
जर्मनी आयोजक भएका कारण छनोटमा सहभागी थिएन र समूह ‘ए’ मा आफ्नो स्थान बनाइसकेको थियो । त्यसबाहेक अरू टोलीका लागि भने ड्रबाट आफ्नो समूह र समूहमा रहेका टोलीको टुंगो लागेको छ । थप तीन टोलीको भने नेसन्स लिग प्ले अफबाट टुंगो लाग्न बाँकी छ ।
छ समूहबाट शीर्ष दुई टोली र चार उत्कृष्ट तेस्रो स्थान हासिल गर्ने टोली अन्तिम १६ मा प्रवेश गर्नेछन् । इटाली युरो कपको साबिक विजेता हो ।
समूह ‘ए’ मा जर्मनी, स्कटल्याण्ड, हंगेरी, स्विट्जरल्याण्ड छन् । समूह ‘बी’मा स्पेन, क्रोएसिया, इटाली, अल्बानिया छन् । यस्तै समूह ‘सी’मा स्लोभेनिया, डेनमार्क, सर्बिया, इंग्ल्याण्ड, समूह ‘डी’मा नेदरल्याण्ड्स, अष्ट्रिया, फ्रान्स, प्लेअफ टोली (पोल्याण्ड, वेल्स, फिनल्याण्ड, एस्टोनियामध्ये एक) छन् ।
त्यसबाहेक समूह ‘ई’मा बेल्जियम, स्लोभाकिया, रोमानिया, प्लेअफ टोली (इजरायल, बोस्निया ७ हर्जगोभिना, युक्रेन, आइसल्याण्डमध्ये एक), समूह ‘एफ’मा टर्की, पोर्चुगल, चेकीया, प्लेअफ टोली (जर्जिया, ग्रिस, कजाकिस्तान, लक्जमवर्गमध्ये एक) रहनेछन् । एजेन्सी ।
फुटबल, प्रतियोगिता
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच