काठमाडौं । नेपाल लाइफ इन्स्योरेन्स कम्पनीले २०८० असोजसम्ममा ६९.६२ अर्ब दाबी भुक्तानी गरेको छ । सो अवधिमा मृत्युदाबी भुक्तानीबापत ५.६८ अर्ब, परिपक्व दाबी भुक्तानीबापत १९.७८ अर्ब र अग्रिम दाबी भुक्तानीबापत २३.४४ अर्ब दाबी भुक्तानी गरेको हो ।
नेपालको बिमा क्षेत्रमा सर्वाधिक मृत्यु दाबी भुक्तानी गर्ने नेपाल लाइफ इन्स्योरेन्स कम्पनीले २०८० असोजसम्ममा १३ हजार पाँच सय १२ जनाका हकवालालाई मृत्युदाबी भुक्तानी गरिसकेको जनाएको छ । कम्पनीले कन्भेन्सनल प्लानअन्तर्गत ११ हजार एक सय ७७ जनालाई तीन अर्ब ७१ करोड र वैदेशिक रोजगारीतर्फ दुई हजार तीन सय ३५ जनालाई एक अर्ब ९७ करोड भुक्तानी गरिसकेको छ । कम्पनीले आफ्नो दाबी प्रक्रिया सहज बनाउँदै दाबीका लागि कागजात प्राप्त हुनेबित्तिकै भुक्तानी गर्ने प्रतिबद्धता जनाएको छ । यस आर्थिक वर्षको पहिलो त्रैमासमा कम्पनीलाई प्राप्त भएको मृत्युदाबी भुक्तानी निवेदनमध्ये ९३ प्रतिशत दाबी फस्र्योट भइसकेको कम्पनीले जनाएको छ ।
सम्पूर्ण कागजात प्राप्त भएमा दुर्घटना खण्डमा मृत्युदाबी भुक्तानी तीन कार्य दिनभित्र र सामान्य मृत्युदाबी भुक्तानीे सात कार्य दिनभित्रै भुक्तानी गर्ने कम्पनीले प्रबन्ध मिलाएको छ । सो अवधिमा ४६ प्रतिशत मृत्युदाबी भुक्तानी तीन दिनभित्र गरेको जनाएको छ । ६७ प्रतिशत निवेदन एक हप्ताभित्र र ८१ प्रतिशत मृत्युदाबी भुक्तानी एक महिनाभित्र गरेको छ ।
कम्पनीले मृत्युदाबी भुक्तानी गर्न आफ्नो आन्तरिक प्रणाली सुदृढ तथा प्रविधिमैत्री बनाएकाले छिटो कार्यसम्पादन हुन सकेको कम्पनीका प्रमुख कार्यकारी अधिकृत प्रवीणरमण पराजुलीले बताउनुभएको छ । आर्थिक वर्ष २०७९/०८० मा ९९.१३ प्रतिशत मृत्युदाबी भुक्तानी गर्दै कम्पनी सर्वाधिक मृत्युदाबी भुक्तानी गर्ने जीवन बिमा कम्पनी बन्न सफल भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच