सप्तरी । सप्तरीको राजविराज-कञ्चनपुर जोड्ने हुलाकी राजमार्ग अन्तर्गतको कालिया खोला-१ को पुल अलपत्र अवस्थामा छाड्दा यात्रुहरूको यात्रा जोखिमपूर्ण बनेको छ । हुलाकी राजमार्गको अग्निसाइरकृष्ण सवरण गाउँपालिका-४ बनौलीस्थित कालिया खोलाको पुल अधुरै छाडेर ठेकेदार सम्पर्कविहीन भएपछि पुल कहिले बन्ने टुंगो छैन । सो पुलको लामा बागमती निर्माण सेवाले २०७१ सालमा निर्माण सुरु गरे पनि पुलको निर्माण अझै सम्पन्न नभएपछि सदरमुकाम राजविराज आउने-जाने सयौँ सवारी साधनको आवतजावत जोखिमपूर्ण बनेको हो ।
निर्माण सेवाले हालसम्म दुई करोड १३ लाख २९ हजार ४५९ रुपैयाँ भुक्तानी पाइसके पनि निर्माण सम्पन्न नगरी ठेकेदार विकास झा सम्पर्कविहीन भएका छन् । सो पुलको हालसम्म ८१ दशमलव २३ प्रतिशत काम मात्र सम्पन्न भएको छ । स्थानीयवासीको निरन्तर दबाबले समेत निर्माण कम्पनी र हुलाकी राजमार्ग परियोजना इटहरी कार्यान्वयनमा समेत गम्भीर नभएको स्थानीयको आरोप छ । पुल निर्माण अलपत्र भएपछि आक्रोशित बनेका स्थानीयहरूले पटक-पटक कम्पनीलाई कारबाही गर्न स्थानीय प्रशासनसँग माग राखे पनि प्रशासन पनि मौन देखिएको छ ।
समयमा पुल निर्माण सम्पन्न नभएका कारण वर्षाको समयमा खोलामा अत्यधिक बाढी आउने गरेकाले आवतजावतमा अवरोध हुन्छ भने हिउँदमा धुलो उड्दा सडकै नदेखिने अवस्था रहको स्थानीय बताउँछन् । बन्दै गरको पुलको दुई सय मिटर पूर्व र पश्चिमतर्फ सडकको अवस्था पनि अति नै खराब रहेको छ । जसकारण सवारी दुर्घटना हुने सम्भावना बढिरहेको त्यस सडकखण्डमा चल्ने म्याजिक चालकहरू भन्छन् । जिल्ला सदरमुकाम राजविराजबाट छोटो दूरी प्रयोग गरी तिरहुत, महादेवा, अग्निसाइर कृष्ण कञ्चनरूप , कन्ञ्चनरूप र फत्तेपुरसम्म जानको लागि उक्त पुल निर्माण सम्पन्न नभएपछि जोखिम मोलेर यात्रा गर्न बाध्य भएको कन्ञ्चनपुरका बैजु साह बताउनुहुन्छ ।
सप्तरी सदरमुकाम राजविराजदेखि जनकपुरसम्म पुग्न डेढ घण्टा मात्र लाग्ने गरेकोमा ०७८ साल १७ असार निर्माणको अन्तिम चरणमा कमला नदीको पुलको एउटा स्पाम धसेपछि अहिले पूर्वपश्चिम राजमार्ग भएर आवतजावत गर्नुपर्दा तीन घण्टा बढी समय लागिरहेको राजविराजका स्थानीय अरुण यादव बताउनुहुन्छ ।
कमला नदीमा निर्माणाधीन पुल भत्किएपछि ग्रामीण क्षेत्रमा पर्ने सप्तरीको बोदेबर्साइन बजार, डिमन, पथरगडा, अर्नाहा, चन्ही चौक सिरहका भगवानपुर, सोनवर्षा, बरयारपट्टी, औरही, सनहैठा, धनुषका कमला, तिनकोरिया, लगमा, सघरा, औरही, लगायतका बजार क्षेत्रमा विकासमा पनि बाधा परेको छ ।
सप्तरीदेखि जनकुपरसम्म यस सडकको लाम्बाइ आठ दशमलव आठ किलो मिटर पर्दछ जसमा सिरहा जिल्लामा बलान पुलदेखि कमला पुल २९ दशमलव ८८ किलोमिटर, सप्तरी जिल्लामा कञ्चनरूपदेखि बलान पुलसम्म ३२ किलोमिटर, धनुषा जिल्लामा कमला पुलदेखि जनकपुरधामसम्म २७ किलोमिटर पर्दछ । राष्ट्रिय महत्वको यस आयोजना लामो समयसम्म पूर्ण नहुँदा तराई-मधेश क्षेत्रको आर्थिक विकासले गति लिन सकेको छैन । तराईका जिल्ला जोड्ने लाइफ लाइनका रूपमा परिभाषित हुलाकी राजमार्ग निर्माण सुरु भएको १८ वर्ष बित्दै छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच