काठमाडौं । चलचित्र ‘दान्भी’को टिजर सार्वजनिक गरिएको छ । बिहीबार काठमाडौंमा एक कार्यक्रमबीच चलचित्रको टिजर सार्वजनिक गरिएको हो । सार्वजनिक एक मिनेट ३३ सेकेण्ड लामो टिजरमा अभिनेत्री पूजा शर्मालाई एक्सन भूमिकामा प्रस्तुत गरिएको छ । टिजर जलिरहेको चिताको दृश्यबाट सुरु छ । र, पृष्ठभूमिमा पूजाको ‘भ्वाइस ओभर’ राखिएको छ ।
चलचित्रमा पूजाको जोडी नव-अभिनेता कुन्साङ बम्जनसँग बाँधिएको छ । चलचित्रलाई रूपेश तामाङले निर्देशन गर्नुभएको हो भने श्रीश्रेष्ठको द्वन्द्व निर्देशन छ । टिजर सार्वजनिक कार्यक्रममा बोल्दै अभिनेत्री पूजा शर्माले दान्भीलाई सबैले मन पराउनेमा विश्वस्त रहेको र दान्भीलाई सफल बनाइदिन आग्रह गर्नुभयो ।
उहाँले दान्भी एक्शन चलचित्र रहेकाले आगामी दिनमा आफू एक्शन चलचित्रका लागि स्क्रिप्ट तयार गरेको र निर्माण गर्ने इच्छा रहेको बताउनुभयो । निर्देशक रूपेशले यो चलचित्रको एक्सनलाई आफूहरूले नयाँ तहमा तयार पारेको जिकिर गर्नुभयो ।
देव मगर र अनुप गडाल निर्माता, पवन रानामगर कार्यकारी निर्माता तथा कमला लिम्बू, पञ्चबहादुर तामाङ र श्रवणकुमार श्रेष्ठ सह-निर्माता रहेको चलचित्रमा हरि लामा ‘घले’को छायांकन छ भने संजोग कुँवर रानाको पटकथा तथा संवाद लेखन, बन्दे प्रसादको सम्पादन, सत्यम राना र श्रीकृष्ण श्रेष्ठको भीएफक्स तथा गीतहरूमा अर्जुन पोखरेल, नरेश योगी र केदारराज नेपालीको संगीत छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच