काठमाडौं । न्युजेन तेक्वान्दो एकेडेमीका दुई पदक विजेता खेलाडीलाई गैरआवासीय नेपाली संघ (एनआरएनए) अष्ट्रेलियाका उपाध्यक्ष विनोद कुँवरले नगदबाट पुरस्कृत गर्नुभएको छ । गत साउनमा मलेसियामा भएको पाँचौँ हिरोज इन्टरनेसनल तेक्वान्दो कपमा न्युजेनका सक्षम दुलाल र सम्राट सिंहले रजत पदक जित्नुभएको थियो ।
सक्षमले १० देखि १४ वर्षको ब्ल्याक बेल्ट पुम्सेमा र सम्राटले यू-१३ देखि १५ वर्षको ब्ल्याक बेल्ट स्पिड किकिङमा पदक जित्नुभएको थियो । कुँवरले व्यक्तिगतरूपमा सक्षम र सम्राटलाई जनही १५ हजार रुपैयाँ प्रदान गर्नुभएको थियो । कार्यक्रममा न्युजेनका प्रशिक्षार्थीले पुम्से र नृत्य प्रस्तुत गरेका थिए ।
भैंसेपाटी आवास क्षेत्रमा रहेको न्युजेनमा तेक्वान्दो, जुम्बा र नृत्यको प्रशिक्षण हुँदै आएको छ । अष्ट्रेलियामा रहनुभएका तेक्वान्दो प्रशिक्षक एवं रेफ्री प्रवीण थापाको पहलमा स्थापित न्युजेनमा हाल करिब ६० जना प्रशिक्षार्थी र चारजना प्रशिक्षक छन् । न्युजेनले कुँवरलाई मायाको चिनो प्रदान गरेको थियो ।
कुँवरले भविष्यमा पनि आफू न्युजेनलाई सहयोग गर्ने वचन दिनुभयो । कुँवर निर्देशक रहेको एक्स्ट्राटेक ओभल प्रालिले रूपन्देही जिल्लाको तिलोत्तमा नगरपालिका-१७ मा क्रिकेट मैदान निर्माण गरिरहेको छ । यसै साता मैदानको पहिलो चरणको निर्माण सम्पन्न भएको थियो । त्यस मैदानमा फागुनबाट क्रिकेट खेल्न सकिने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच