काठमाडौं । यही पौस २७ गतेदेखि देशभरका सिनेमाघरमा आउने तयारी रहेको चलचित्र ‘चित्रा’को टिजर सार्वजनिक गरिएको छ । घनश्याम लामिछानेको निर्देशन रहेको चलचित्र ‘चित्रा’को सोमबार काठमाडौंमा एक कार्यक्रमबीच एक मिनेट २४ सेकेण्डको टिजर सार्वजनिक गरिएको हो ।
सार्वजनिक टिजर बाबु-छोरीको भावनात्मक सम्बन्धको वरिपरि घुमेको छ । एक्सनलाई पनि भरमार प्राथमिकता दिइएको टिजरले चलचित्र बदलाको कथामा आधारित रहेको संकेत गर्दछ ।
सन्तोष अधिकारी फिल्म्स तथा अस्याप इन्टरटेनमेन्ट अष्ट्रेलिया नेपालको सहकार्य रहेको चलचित्रमा सन्तोष अधिकारी, मेनुका प्रधान, शुभेच्छा खड्का, प्रमोद अग्रहरि, अर्पण थापा, प्रकाश घिमिरे, अञ्जना बराइली, सिम्रन खड्का, आयुशी ढकाल, विनोद पौडेल, कपिल शर्मा, कुमार गुरुङ, उज्ज्वल ढकाललगायतको अभिनय छ ।
आशिष थापामगर निर्माता तथा सन्तोष अधिकारी कार्यकारी निर्मातामा रहेको चलचित्रमा राजनराज सिवाकोटीको शब्द तथा संगीत, अजय अधिकारीको कथा, मनिष गौतमको पटकथा तथा संवाद लेखन, सम्राट बस्नेत र टिमको द्वन्द्व निर्देशन, बनिष शाह र सन्देश शाहको सम्पादन, महेश पौडेलको छायांकन छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच